Guðrún Sørtveit

PEEL OFF AUGABRÚNIR?

SNYRTIVÖRURSÝNIKENNSLA

Ég fékk nokkrar vörur að gjöf frá Maybelline í dag og það var ein vara sem fangaði alla mína athygli en það var Tattoo augabrúnalitur sem er ný vara frá þeim. Fyrir mér hljómar þetta mjög áhugavert, skrítið og spennandi allt í einu en ég hugsaði strax.. ætli þetta virki?

Það er lítill pensill og þykk vara sem á maður að setja þétt yfir augabrúnirnar

 

Ég byrjaði á því að greiða í gegnum augabrúnirnar, því næst tók ég vöruna og mótaði augabrúnirnar með penslinum. Þetta er mjög líkt því að lita á sér augabrúnirnar en fyrir mér er þetta einfaldara því maður þarf ekki að blanda litinn eða ná í bursta heldur setur maður vöruna bara beint á augabrúnirnar. Ég mæli samt með að hafa blautþurkku og eyrnapinna við hönd til vonar og vara.

Ég er mjög heimilisleg og engin glansmynd, heldur stóll með helling af fötum í bakgrunn haha

Síðan á að vera með þetta í 20 mín eða þangað til þetta er orðið þurrt og taka þetta síðan varlega af, pínu einsog “peel off” maska. Þetta rífur ekki í nein hár og fer mjög auðveldlega af.

 

Ekki með lit <- -> Með lit

Mér finnst þessi vara mögnuð og skemmtilegt að prófa eitthvað alveg nýtt. Augabrúnirnar fá fallega fyllingu og þarf maður því að fylla minna í augabrúnirnar eða ekkert.

 

 

Ég var ekki alveg viss með þessa vöru fyrst en get alveg sagt það núna að ég mæli með henni, finnst þetta snilldar vara og á eftir að nota hana aftur!

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

GIGI X MAYBELLINE

FÖRÐUNAR FRÉTTIRSNYRTIVÖRURTÍSKA
*Færslan er ekki kostuð

Ég er mjög dugleg að fylgjast með hvað er nýtt í snyrtivöruheiminum og finnst einstaklega gaman að sjá þegar þekktir eintaklingar eru í samstarfi við snyrtivörumerki. Gigi Hadid fyrirsæta var að gefa út snyrtivörulínu í samstarfi við Maybelline en hún er búin að vinna mjög lengi með Maybelline og er eitt af andlitum snyrtivörumerkisins. Ég er búin að skoða þetta samstarf mjög lengi núna, búin horfa á allskonar myndbönd um línuna og verð bara að viðurkenna að ég er mjög spennt fyrir þessu samstarfi.

 

Línan inniheldur augnskuggapallettu, skyggingarpallettu, ljómakrem, maskara, augnblýant, varablýanta og varaliti. Það er mjög flott litaúrval en mjög klassískt, einsog hún er. Mér finnst Gigi vera mjög inn í öllum helstu tískustraumum, algjör töffari, glaðleg, fyndin og finnst mér línan endurspegla það. Umbúðirnar eru mjög fallegar og að mínu mati þær flottustu sem Maybelline hefur gefið út.

 

 

 

 

 

Ég er ótrúlega spennt fyrir þessari línu og er hún á leiðinni til Íslands xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

HÚÐUMHIRÐA Í EINFÖLDUM SKREFUM

HÚÐRÚTÍNASÝNIKENNSLA

Mig langaði aðeins að spjalla við ykkur um húðumhirðu en ég hef mikin áhuga á því. Ég er ekki menntaður snyrtifræðingur en er förðunarfræðingur og hef aflað mér talsvert mikið af upplýsingum um húðina.

Húðumhirða er lykilinn af fallegri förðun og mjög mikilvægt að hugsa vel um húðina sína. Það þarf ekkert að vera flókið að hreinsa á sér húðina og hægt að gera með einföldum skrefum. Mér finnst best að hugsa um húðhreinsunina í skrefum og eru öll skrefin mjög mikilvæg. Það er síðan auðvitað hægt að bæta inn skrefum og finna út hvað hentar sér en mér finnst þessi leið lang einföldust.

Ég reyni að hreinsa húðina mína tvisvar á dag eða sem sagt kvölds og morgna. Á kvöldin geri ég meiri hreinsun en á morgnana og ég verð að viðkenna að ég gleymi stundum að hreinsa húðina á morgnana en aldrei á kvöldin.

KVÖLDRÚTÍNA

Skref 1 – Taka farða, maskara og allt af húðinni

Fyrsta skrefið er að taka farða, bb krem eða það sem þú er með á húðinni en það er mjög mikilvægt að geraþetta áður en maður hreinsar húðina

 

Skref 2 – Hreinsa húðina

Núna þegar það er búið að taka farða og annað af húðinni, þá er hægt að hreinsa húðina með góðum gel hreinsi eða mildum kornaskrúbbi. Það er því ekki nóg að gera bara skref eitt en ef þú ert ekki með neitt á húðinni þá er í lagi að fara beint í skref 2.

Það halda samt margir að maður þurfi ekki að hreinsa húðina ef það er ekkert á húðinni yfir daginn en það er stór misskilningur. Það eru allskonar óhreinindi og annað í umhverfinu sem getur sest á húðina og viðheldur maður húðinni með því að hreinsa hana. Húðin nær ekki að endurnýja sig nógu vel og með því að hreinsa hana tökum við í burtu dauðarhúðfrumur, þannig komum við einnig í veg fyrir fínar línur.

Skref 3 – Toner

Toner “lokar” húðinni eða kemur í veg fyrir að óhreinindin sem við vorum að hreinsa úr húðinni komist aftur inn í húðina, því að þegar við erum nýbúin að hreinsa húðina er hún mjög “opin”.

Skref 4 – Rakakrem

Mikilvægt að gefa húðinni góðan raka eftir hreinsun og næra hana vel. Ég mæli að sjálfsögðu með að nota augnkrem og serum ef þið eruð 25+.

Núna er húðin tilbúin fyrir kvöldið/nóttina..

Morgunrútína

Skref 1 – Andlitsvatn

Ég tek alltaf andlitsvatn og renni því yfir andlitið á morgnana. Þannig tökum við óhreinindi sem komu upp á yfirborðið meðan við vorum sofandi.

Skref 2 – Rakakrem

Síðan set ég gott rakakrem og þá er húðin tilbúin fyrir daginn.

 

Mér finnst þetta vera mjög einföld skref sem allir geta gert, hægt finna húðvörur sem henta öllum húðtýpum og setja inn í þessar rútínur. Vonandi hjálpaði þetta einhverjum xx

 

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

ÉG HLAKKA SVO TIL

LÍFIÐSNYRTIVÖRUR

.. jóla

*Vöruna fékk greinahöfundur að gjöf

Ég er orðin svo spennt fyrir jólnunum.. já ég sagði það jólunum, það var samt ekki fyrr en ég fékk dagatalið frá The Body Shop í hendurnar.

The Body Shop gefur út jóladagatal ári hverju og hefur mig alltaf langað í eitt slíkt. Dagatalið er sett upp einsog hefðbundið dagatal en inn í hverjum “glugga” eða þetta eru reyndar kassar, er lítil sæt gjöf. Þetta mun gera prófalesturinn mun skemmtilegri og get ég ekki beðið. Ég fékk Deluxe dagatalið sem er næst stærsta dagatalið en það eru fjórar stærðir í boði.

Það eru þó ekki bara gjafir í þessu æðislega dagatali heldur einnig leikur inn í dagatalinu með fallegum boðskap. Leikurinn er þannig settur upp að þú færð eitt verkefni á dag sem á að gera heiminn að betri stað, mér finnst þetta mjög fallegt og á vel við á jólnunum.

Hérna er til dæmis verkefnið fyrir 1.des og það er mjög einfalt, “Smile at the first person you see today”

 

Ég sýndi dagatalið mitt um daginn á snapchatinu mínu (gsortveitmakeup) og fékk margar spurningar, þannig ég ákvað að setja inn allar helstu upplýsingar um þau hér..

 

Deluxe dagatal – 17.990 kr

 

Entry dagatal (Fjólubláa) – 12.990 kr

Standard dagatal (Græna) – 14.990 kr

 

Það vantar reyndar stærsta dagatalið, ég fann því miður ekki mynd af því en þið getið alltaf gert ykkur ferð í The Body Shop og kíkt á úrvalið. Ég mæli með að hafa hraðar hendur því þessi dagatöl seljast upp mjög hratt. Ég get ekki beðið eftir desember!

 

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

Á LEIÐINNI: KKW BEAUTY

SNYRTIVÖRUR

Gleðilegan sunnudag kæru lesendur xx

Ég pantaði mér loksins krem skyggingarstiftin frá KKW Beauty og eru þau á leiðinni til mín. Fyrir ykkur sem vitið ekki hvað KKW stendur fyrir en þá stendur það fyrir Kim Kardashian West og hefur hún lengi verið þekkt sem skyggingardrottningin. Kim er mjög umdeild og þar af leiðandi eru snyrtivörurnar hennar einnig búnar að vera mjög umdeildar. Hún byrjaði fyrst á því að koma út með krem skyggingarstifin en er komin með fleiri vörur núna. Það eru til fjórir litir af þessum krem skyggingarstifum og eru litirnir light, medium, dark og deep dark. Ég pantaði mér tvö sett, eitt í litnum light og annað í litnum medium en ég flakka mikið á milli lita vegna brúnkukrems notkunar.

Þótt að þessi stifi séu mjög umdeild en þá fengu þau samt sem áður þann titil að vera bestu krem skyggingarstifi árið 2017 hjá Allure, þannig hún hlýtur að hafa gert eitthvað rétt. Ég hlakka mikið til að prófa og segja ykkur hvað mér finnst en ég mun líklegast henda í aðra færslu þegar ég fæ þessar vörur í hendurnar.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

MINN STÍLL: VIKAN

LÍFIÐTÍSKA

“Með jakkablæti á háu stigi”

Ég fór í viðtal hjá Vikunni um daginn sem var ótrúlega gaman en ég fór örlítið út fyrir þægindarammann. Þetta var viðtal um minn persónulega stíl en þar ég segi frá mínum uppáhalds flíkum og fylgihlutum. Það var valinn ansi viðeigandi fyrirsögn en ég elska yfirhafnir og finnst langskemmtilegast að versla þær. Mér finnst þessi liður “Minn Stíll” ótrúlega skemmtilegur og gaman að fá að vera í honum en einsog þið vitið þá er ég aðallega í snyrtivörunum, þannig þetta var mjög skemmtileg tilbreyting.

Ég mæli með að fylgjast með mér hér á instagram ef þið viljið sjá meira inn í fataskápinn minn en þar deili ég oft dressum dagsins.

 

Síðan mæli ég að sjálfsögðu með að þið tryggið ykkur eintak xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

Á ÓSKALISTANUM:

ÓSKALISTISNYRTIVÖRUR

Gleðilegan mánudag og áfram Ísland xx

Það er mikill mánudagur í mér í dag og er því tilvalið að gera eitt stykki óskalista og láta sig dreyma. Hér eru nokkrar vörur sem eru á óskalistanum mínum og flestar af þeim eru nýlegar á snyrtivörumarkaðinum.

L’ORÉAL – PURE CLAY BRIGHT MASK

Þetta er nýr maski frá L’oréal en þessi maski á birta, jafna út og gefa húðinni ljóma.. þetta hljómar alltof vel fyrir þreytta vetrar húð. Ég elska hina maskana frá L’oréal þannig ég er mjög spennt fyrir þessum.

L’ORÉAL – PURE CLAY BLEMISH RESCUE MASK

Þetta er líka nýr maski frá L’oréal en hann gerir eiginlega andstæðuna við gula maskann. Þessi maski á að hreinsa húðina mjög vel og hreinsa úr svitaholum. Ég hugsa að þessi og guli maskinn sé góð tvenna eða nota þá á sama tíma, sem sagt setja bláa á T-svæðið og gula á kinnarnar.

 

REAL TECHNIQUES – MIRACLE CLEANSING SPONGE

 

Ég er mjög hrifin af öllu sem við kemur því að hreinsa húðina og þessu er ég mjög spennt fyrir. Þetta er nýr svampur frá Real Techniques og er þetta svampur til þess að hreinsa húðina. Ég held að þetta sé æðisleg viðbót inn í húðrútínuna og sniðugt fyrir þá sem eiga kannski ekki hreinsibursta eða vilja prófa eitthvað nýtt.

 

 

BECCA FIRST LIGHT PRIMING FILTER

 

 

Ég er ekki mikið fyrir primer-a en ég er mjög spennt fyrir þessum því hann gerir allt sem ég vill að primer geri. Þessi primer á að birta til, gefa raka og skilja húðina eftir ljómandi og ferska. Becca er líka á leiðinni til Íslands en þið getið séð allt um það hér.

 

 

URBAN DECAY – 24/7 GLIDE-ON EYE PENCIL Í LITNUM SMOG

 

Ég elska augnblýantana frá Urban Decay, þeir eru silkimjúkir og haldast á mjög lengi. Mig langar að eignast einn brúnan með smá “shimmer” sem hægt er að nota dagsdaglega eða til þess að gera smokey.

 

FENTY BEAUTY PRO FILT’R FOUNDATION

Það er örugglega ekki búið að fara framhjá neinum sem fylgjast mikið með förðunarvörum að Rihanna var að gefa út snyrtivörulínu. Ég er búin að heyra mjög góða hluti um þennan farða og eiginlega alla línuna sjálfa. Þetta er mattur farði, á að haldast á allan daginn, olíufrír og á ekki að setjast í svitaholur heldur verður húðin óaðfinnanleg. Ég er mjög spennt fyrir þessum farða og sjá hvort hann uppfyllir allt þetta að ofantöldu. Rihanna á líka stórt hrós skilið en hún gaf út 40 liti, þannig það ættu allir að geta fundið sinn rétta lit.

 

FENTY BEAUTY – KILLAWATT HIGHLIGHTER Í LITNUM LIGHTING DUST/CRYSTAL

 

Rihanna gaf einnig út nokkra highlighter-a og aðsjálfsögðu er ég mjög spennt fyrir því. Þessi highlighter er tvískiptur en örðu megin er látlaus highlighter og hinum megin er highlighter-inn meira áberandi. Það er hægt að nota þá báða saman eða í sitthvoru lagi. Ég held að þetta sé snilld fyrir þá sem vilja eiga bara eina vöru og hægt að nota látlausa dagsdaglega og hinn á kvöldin, skemmtileg hönnun.

 

MILK MAKEUP – BLUR STICK

Þetta er mjög vinsæl vara frá Milk Makeup en þetta er primer stykki og þú einfaldlega rennir þessu yfir andlitið áður en þú setur á þig farða. Þetta á ekki að stífla svitaholur, leyfir húðinni þinni að anda og gerir yfirborð húðarinnar fallegt. Mér finnst þetta hljóma ótrúlega vel en ég er mjög hrifin af vörunum frá Milk Makeup og alltaf gaman að prófa eitthvað nýtt.

 

GLAMGLOW VOLCASMIC MATTE GLOW MOISTURIZER

Þið vitið eflaust hvað ég elska GlamGlow Glow Starter en það er ótrúlega fallegt ljómakrem sem gott er að setja á húðina áður en maður setur farða. Þetta er andstæðan við það en þetta er matt ljóma krem og að matta húðina en gefa því samt ljóma án þess að vera glansandi. Ég held að þetta sé fullkomið fyrir þá sem eru með olíumikla húð eða setja þetta krem á sig ef maður er til dæmis að fara á árshátíð eða í brúðkaup. Ég er spennt fyrir þessu!

 

URBAN DECAY – EYESHADOW Í LITNUM BAKED

 

 

Síðan en alls ekki síst er það þessi gullfallegi augnskuggi frá Urban Decay. Ein af mínum bestu vinkonum átti afmæli um daginn og ég gaf henni þennan augnskugga í afmælisgjöf, hún var svo ánægð með hann að hún setti hann strax á sig um kvöldið og vá hvað hann er fallegur. Hún setti hann yfir allt augnlokið og blandaði honum síðan út, ótrúlega einfalt og flott.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Færslan er ekki kostuð en inniheldur affiliate links

UPPÁHALDS NUDE VARALITIR

LIPS OF THE DAYVARIR
*Færslan er ekki kostuð

Já ég elska “nude” varaliti og á orðið mjög stórt safn af varalitum en það eru nokkrir sem eru í meira uppáhaldi en aðrir. Mig langaði að deila þeim með ykkur, þeir eru allir með mismunandi formúlu og áferð. Sumum á eflaust eftir að finnast þessir varalitir vera mjög líkir og jafnvel alveg eins en vonandi hjálpar þetta einhverjum sem eru að leita af fallegum varalit eða eru jafn spenntir fyrir “nude” varalitum og ég.

Ég reyndi að breyta myndunum sem minnst svo þið gætuð séð hvernig litirnir komu út á vörunum en varalitir eru samt alltaf mismunandi á hverjum og einum

Einsog þið sjáið eflaust þá eru þessir í miklu uppáhaldi og búnir að vera í hverjum vasa og hverri tösku..

Max Factor – Colour Elixir Lipstick: Burnt Caramel

Þessi varalitur er örugglega sá nýjasti í safninu af öllum sem ég nefni hér en þetta er kremaður varalitur frá Max Factor sem kom mér skemmtilega á óvart. Hann er ótrúlega þæginlegur á vörunum og er með fallegan brúnan undirtón.

 

Maybelline Color Sensational Matte Lipstick – 930 Nude Embrace

Þetta er mött formúla en ótrúlega kremuð frá Maybelline. Ég nota þennan oft yfir dekkri varablýanta eða bara einan og sér.

 

MAC – VELVET TEDDY

Þetta er minn allra uppáhalds nude en ég held ég sé búin að fara í gegnum þrjá svona og líklegast eini varaliturinn sem ég hef klárað svona oft. Varaliturinn er með matta formúlu en þurrkar á ekki varirnar og ég nota hann oft með öðrum varalitavörum.

 

YSL – Rouge Pur Couture Lipstick nr.10

Þetta er mjög látlaus nude og er meira svona “your lips, but better”, ég set þennan alltaf á mig ef ég vill bara eitthvað einfalt og klassískt. Formúlan er mjög mjúk og er með smá glans.

 

COLOUR POP – AQUARIUS

Ég elska þennan lit, fyrir mér er þetta hin fullkomni nude en hann er brúntóna með smá bleikum undirtóni. Hann gefur einnig góðan raka en hann innheldur Vitamin C og Shea butter. Síðan eru þessi Lippie Stix frá Colour Pop mjög ódýr en einn svona kostar $5, mæli með.

 

URBAN DECAY – EX-GIRLFRIEND

Þessi litur er einnig mjög látlaus og klassískur en hann gefur einmitt þetta “your lips, but better”. Ég notaði þennan mikið í sumar þegar ég var að fljúga en mér finnst hann gefa svo góðan raka og gerir varirnar mjög fallegar.

Þetta er bara smá brot af mínum uppáhalds “nude” og það var mjög erfitt að sýna ykkur bara sex liti en ekki 20..

Þið megið endilega segja mér hvaða litur ykkur finnst flottastur og hvaða varalitum þið mælið með xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

NEGLURNAR MÍNAR

Neglur

Gleðilegan mánudag xx

Mig langaði að taka smá naglaspjall með ykkur en ég fæ oft spurningar hvaða naglakk ég sé með eða hver gerir neglurnar mínar. Hún sem sér um neglurnar mínar og er búin að gera það núna í næstum tvö ár heitir Anna og er algjör snillingur í nöglum. Ég mæli svo sannarlega með henni en hún er ótrúlega vandvirk og neglurnar haldast lengi flottar en þið finnið hana hér.

 

Síðan langaði mig að deila með ykkur nokkrum af mínum uppáhalds naglalökkum frá Essie en ég fæ svo oft spurningar hvað ég sé með á nöglunum. Mér finnst ótrúlega gaman að naglalakka mig og breyta til en þetta er bara smá hluti af mínum uppáhalds naglalökkum..

1.Ladylike 

2. Licorice

3. Sand Tropez

4. Bikini so teeny 

5. Truth or bare

6. Speed setter

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

Á ÓSKALISTANUM: VB X ESTÉE LAUDER

ÓSKALISTISNYRTIVÖRUR

VB X ESTÉE LAUDER

Mig dreymir um þessa fallegu línu.. en þetta er snyrtivörulína sem Estée Lauder gerði í samstarfi við Victoriu Beckham. Ég er ekki búin að geta hætt að hugsa um snyrtivörurnar úr þessari fallegu línu en Victoria hefur áður komið út með línu í samstarfi við Estée Lauder en ég er miklu spenntari fyrir þessari. Mér finnst allar vörurnar útpældar og margar af þeim sem ég hef ekki séð áður eða klassískar vörur sem hún er búin að gera að sínu. Þessi lína kemur einungis í takmörkuðu magni og hugsa ég að hún komi ekki til Íslands.. en ef hún kemur þá læt ég ykkur strax vita!

Í fyrsta lagi er þessi lína gullfalleg, pakkningarnar og vöruúrvalið. Mér finnst einstaklega gaman að sjá hvað Victoria lagði mikla vinnu í þessa línu, allar vörurnar eru útpældar og litaúrvalið skemmtilegt. Hún segist hafa viljað ögra sjálfum sér og örðum með litavalinu. Hún er sjálf mikið fyrir “nude” tóna liti en núna vildi hún breyta til. Hún valdi til dæmis ekki þessa klassísku hlýju tóna einsog er svo mikið núna heldur bláan og gráan.

Mig langaði að sýna ykkur nokkrar vörur sem eru efst á óskalistanum mínum úr þessari línu..

BRONZER IN SAFFRON SUN

Þetta er matt sólarpúður sem gefur fallegan hlýjan lit yfir andlitið og eru pakkningarnar gullfallegar. Þetta er örugglega frábært þegar maður er að ferðast því það er stór spegill og hægt að nota þetta líka sem augnskugga.

EYE KAJAL IN BLACK SAFFRON/VANILLE

Þetta er vara sem mér finnst að allir ættu að eiga en þetta er augnblýantur með svörtum blýanti einum megin og ljósum hinum megin. Þetta er mjög kremaður blýantur sem blandast auðveldlega en helst vel á augunum.

AURA GLOSS

Mér finnst þetta mjög áhugaverð vara en er eflaust ekki fyrir alla en þetta er gloss sem hægt er að nota allsstaðar á andlitið. Til dæmis á augnlokin, varirnar eða kinnbeinin og eflaust hægt að leika sér endalaust með þessa vöru.

EYE FOIL IN BLONDE GOLD

Þetta er krem augnskuggi með metal áferð sem auðvelt er að blanda út en þornar síðan og helst á augnlokunum. Ég er búin að heyra einstaklega góða hluti um þessa vöru og hún virðist vera ótrúlega falleg.

EYE MATTE DUO IN BLEU ÉLECTRIQUE/NUDE

Þetta er alls ekki eitthver palletta sem ég myndi yfirleitt vera mjög spennt fyrir en það er eitthvað við þessa liti. Ég á ekkert sem er í líkingu við þessa pallettu og eru margar skemmtilegar farðanir sem mig dettur í hug að gera með henni.

EYE METALS EYESHADOW IN BLONDE GOLD

Þetta er augnskuggi sem er með metal áferð og gæti ég hugsað mér að hann yrði flottur í innri augnkrók eða yfir allt augnlokið. Síðan yrði þetta ótrúlega fallegt í snyrtibuddunni eða á snyrtiborðinu.

MATTE LIPSTICK IN VICTORIA

Þessi varalitur á að vera frekar kaldur og ekki of rauður né of gulur heldur hin fullkomni “nude” litur. Það þarf ekki mikið meira til þess að selja mér þennan en ég elska að prófa nýja “nude” varaliti.

LIP PENCIL

Það sama gildir um þennan varablýant en hann á að vera mjúkur á vörunum og er hinn fullkomni “nude” varablýantur.

MORNING AURA ILLUMINATING CREME

Rakakrem og primer saman í einu en þetta á að gefa fallegan ljóma. Þið vitið vonandi nú þegar að ég elska allt sem er ljómandi eða gerir húðina mína ljómandi þannig þetta er efst á lista.

 

Ég sá þetta myndband á instagraminu hjá Victoriu og finnst það mjög skemmtilegt, sýnir hvernig henni finnst best að nota vörurnar sínar..

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup