Guðrún Sørtveit

HÚÐUMHIRÐA Í EINFÖLDUM SKREFUM

HÚÐRÚTÍNASÝNIKENNSLA

Mig langaði aðeins að spjalla við ykkur um húðumhirðu en ég hef mikin áhuga á því. Ég er ekki menntaður snyrtifræðingur en er förðunarfræðingur og hef aflað mér talsvert mikið af upplýsingum um húðina.

Húðumhirða er lykilinn af fallegri förðun og mjög mikilvægt að hugsa vel um húðina sína. Það þarf ekkert að vera flókið að hreinsa á sér húðina og hægt að gera með einföldum skrefum. Mér finnst best að hugsa um húðhreinsunina í skrefum og eru öll skrefin mjög mikilvæg. Það er síðan auðvitað hægt að bæta inn skrefum og finna út hvað hentar sér en mér finnst þessi leið lang einföldust.

Ég reyni að hreinsa húðina mína tvisvar á dag eða sem sagt kvölds og morgna. Á kvöldin geri ég meiri hreinsun en á morgnana og ég verð að viðkenna að ég gleymi stundum að hreinsa húðina á morgnana en aldrei á kvöldin.

KVÖLDRÚTÍNA

Skref 1 – Taka farða, maskara og allt af húðinni

Fyrsta skrefið er að taka farða, bb krem eða það sem þú er með á húðinni en það er mjög mikilvægt að geraþetta áður en maður hreinsar húðina

 

Skref 2 – Hreinsa húðina

Núna þegar það er búið að taka farða og annað af húðinni, þá er hægt að hreinsa húðina með góðum gel hreinsi eða mildum kornaskrúbbi. Það er því ekki nóg að gera bara skref eitt en ef þú ert ekki með neitt á húðinni þá er í lagi að fara beint í skref 2.

Það halda samt margir að maður þurfi ekki að hreinsa húðina ef það er ekkert á húðinni yfir daginn en það er stór misskilningur. Það eru allskonar óhreinindi og annað í umhverfinu sem getur sest á húðina og viðheldur maður húðinni með því að hreinsa hana. Húðin nær ekki að endurnýja sig nógu vel og með því að hreinsa hana tökum við í burtu dauðarhúðfrumur, þannig komum við einnig í veg fyrir fínar línur.

Skref 3 – Toner

Toner “lokar” húðinni eða kemur í veg fyrir að óhreinindin sem við vorum að hreinsa úr húðinni komist aftur inn í húðina, því að þegar við erum nýbúin að hreinsa húðina er hún mjög “opin”.

Skref 4 – Rakakrem

Mikilvægt að gefa húðinni góðan raka eftir hreinsun og næra hana vel. Ég mæli að sjálfsögðu með að nota augnkrem og serum ef þið eruð 25+.

Núna er húðin tilbúin fyrir kvöldið/nóttina..

Morgunrútína

Skref 1 – Andlitsvatn

Ég tek alltaf andlitsvatn og renni því yfir andlitið á morgnana. Þannig tökum við óhreinindi sem komu upp á yfirborðið meðan við vorum sofandi.

Skref 2 – Rakakrem

Síðan set ég gott rakakrem og þá er húðin tilbúin fyrir daginn.

 

Mér finnst þetta vera mjög einföld skref sem allir geta gert, hægt finna húðvörur sem henta öllum húðtýpum og setja inn í þessar rútínur. Vonandi hjálpaði þetta einhverjum xx

 

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

7 Ummæli

    • Guðrún Sørtveit

      23. October 2017

      Takk elsku Elísabet <3

  1. Nafnlaus

    23. October 2017

    Hver er munurinn á tóner og andlitsvatni?

    • Guðrún Sørtveit

      23. October 2017

      Það er eiginlega það sama eða mér finnst það en ég nota það samt áður fyrir sitthvoran hlutinn. Ég nota toner til þess að “loka” húðinni eftir hreinsun en toner lokar einmitt húðinni og minnkar svitaholurnar. Andlitsvatn eða miceller water nota ég til þess að taka farða af mér eða einmitt fyrir létta hreinsun á morgnana. Vonandi hjálpaði þetta :-) xx

      • :)

        24. October 2017

        Já! Takk :)

  2. Erla

    27. October 2017

    Hæhæ, geturu sagt mér hvaða vörum þú mælir með í hverju skrefi? :)

    • Guðrún Sørtveit

      10. November 2017

      Hæhæ :-D

      Skref 1 – Camolie Cleansing Butter frá The Body Shop
      Skref 2 – Vitamin C Daily Glow Cleansing Polish frá The Body Shop eða BIOEFFECT VOLCANIC EXFOLIATOR
      Skref 3 – Chinese Ginseng & Rice Clarifying Milky Toner frá The Body Shop
      Skref 4 – BIOEFFECT EGF SERUM

      Það er samt mjög breytilegt hvað ég nota en þetta er húðrútínan mín í augnablikinu :-D

Skildu eftir komment...