ÁFRAM ÍSLAND!
Það er svo sannarlega stór helgi framundan hjá Íslandi! Karlalandsliðið í fótbolta er að fara spila sinn fyrsta leik á HM og þjóðhátíðardagur Íslendinga er á sunnudaginn. Það er því mikið um að vera, margir að fara hittast um helgina og gera eitthvað skemmtilegt. Mig langaði að sýna ykkur einfalda förðun með fánalitunum sem hægt er að gera um helgina. Þetta er ótrúlega einföld förðun en gerir heil mikið!
*Vörurnar eru keyptar af greinahöfundi
Ég ákvað síðan að kaupa mér þennan flotta bol í 66 norður í dag, svona í tilefni helgarinnar. Þessir bolir eru á mjög góðu verði en þeir kosta 2400kr og koma líka hvítu.
Vörurnar fást allar í Hagkaup – nema Nyx Professional Makeup fæst eingöngu í Hagkaup Smáralind og Hagkaup Kringlunni
AUGU:
Ég notaði mattan bláan eyeliner frá Nyx Professional Makeup. Hann er svo fallega skærblár og alveg mattur sem gerir hann mjög áberandi.. fullkomið fyrir HM!
VARIR:
Ég setti á mig eldrauðan og skæran varalit. Ég reyndi að finna lit sem væri næst rauða litnum í fánanum okkar. Þessi varalitur er frá L’Oréal, er mattur án þess að þurkka og helst því vel á vörunum.
HÚÐ:
Húðin er ljómandi og fersk, það verður að passa uppá áferðir og þess háttar þegar farða á fyrir hábjartan dag.
Ég hvet ykkur öll til þess að vera í fánalitunum um helgina – áfram ísland!
– Guðrún Sørtveit
Þið getið fylgst meira með mér hér..
Instagram: gudrunsortveit
Skrifa Innlegg