Birgitta Líf

Pink Vibes

HárvörurLífiðÚtlit

Þar sem festival fýlingurinn er í hámarki þessa dagana á Íslandi finnst mér tilvalið að deila með ykkur minni reynslu af litanæringu í hárið!

xx

Ég á lítinn bróðir sem er algjör kúlisti og miklu djarfari en ég sjálf í klæðnaði, hárgreiðslum og öllu slíku. Hann var búinn að vera með sítt og fallegt hár í langan tíma þegar hann tók upp á því einn daginn að krúnuraka sig – og aflita! Þessi stíll fór honum ekkert smá vel en hann vildi prófa eitthvað meira og fór að ræða við mig um að lita hárið bleikt. Stóra systirin hélt nú ekki en ég hafði hins vegar heyrt um litanæringar, m.a. frá Maria Nila, og eftir mikið google vorum við sannfærð um að það væri málið. Við skelltum okkur næsta dag upp í heildsölu Maria Nila á Íslandi þar sem bróðir minn fékk frábæra þjónustu, leiðbeiningar og kennslu á næringuna og svo litanæringuna sjálfa að gjöf. Hann valdi sér litinn “Pink Pop” og tók hreina blöndu með til að geta stýrt styrkleikanum á litnum.

@bjornbodi

 

Ég hef nánast alltaf verið ljóshærð og breyti mjög lítið til – í mesta lagi ljósa tóninum eftir árstíma. Þrátt fyrir að ganga ekki svo langt að krúnuraka og aflita þá langaði mig að prófa að breyta aðeins til upp á gamanið og tók afganginn af litanæringunni með til Hawaii í páskafríinu. Ég hugsaði að ef útkoman yrði skelfilegt þá í versta falli þekkti mig enginn þarna úti og þar sem næringin skolast úr í nokkrum þvottum yrði ég orðin aftur ljóshærð þegar heim væri komið.

Þar sem hárið á bróðir mínum var aflitað tók hann rosalega vel við litanæringunni svo að ég byrjaði á mjög daufri blöndu í sjálfa mig en mig langaði í pastel bleikan lit. Hárið mitt er heilbrigt og sterkt þrátt fyrir að vera mjög ljóst og tók þessvegna ekki eins vel við litnum og hans gerði. Eftir fyrstu tilraun var bara örlítill bleikur blær yfir hárinu – sem var samt mjög flott ef leitast er eftir þeirri útkomu.

Mér fannst þetta alltíeinu frekar skemmtileg tilraunastarfsemi og ákvað því að setja strax aftur í mig lit og blandaði mun sterkari blöndu og lét liggja í hárinu lengur en í fyrra skiptið. Útkoman varð akkúrat eins og ég hafði ímyndað mér – pastel pink!

Þetta kom mun betur út en ég þorði að vona og var skemmtileg tilbreyting. Liturinn skolaðist að mestu úr hjá mér í tveimur þvottum en það er auðvitað misjafnt hjá hverjum og einum. Ég var í sól og sjó sem getur hafa spilað inn í hversu fljótur hann var að fara úr.

Cotton Candy í stíl við hárið, skemmtilegt!

Litanæringarnar eru til í öllum regnbogans litum og eru sniðug leið til að gera eitthvað öðruvísi án þess að fara í varanlegar breytingar. Þetta er líka mjög sniðugt til að sjá hvernig ákveðinn litur eða tónn kemur út áður en farið er í að lita hárið varanlega. Ég mæli klárlega með fyrir þá sem langar að breyta út af vananum fyrir ákveðinn viðburð eða hvað sem er.

Ég er að fara á Secret Solstice um helgina eins og svo margir aðrir og er litanæring eitthvað sem mig myndi langa að setja í hárið fyrir helgina og prófa þá einhvern annan lit – EN þar sem ég er að fara í vinnu á mánudaginn og má helst ekki mæta með skærlitað hár verð ég að geyma það í þetta skiptið. Ég var hins vegar að fá í hendurnar gjöf sem inniheldur nýju Colorista litahárspreyin frá L’Oreal og hlakka til að prófa mig áfram með þau um helgina! Ég mun deila útkomunni með ykkur eftir helgi.

xx

Birgitta Líf
instagram: @birgittalif
snapchat: birgittalif

My Travel Essentials

HárvörurLaugar SpaLífiðSnyrtivörurÚtlit

Í tilefni þess að sumarið er komið og mikið af ferðalögum framundan ákvað ég að taka saman mínar “travel essentials” – eða þær andlits-, húð- og hárvörur sem ég nota mest og tek alltaf með mér þegar ég ferðast og þá sérstaklega í sólarlöndum.

Ég fór til Hawaii um páskana og tók þar myndir af því sem ég tók með mér en ég ferðast mjög mikið, bæði í frí og vegna vinnu, en þessar vörur er ég með í snyrtitösku sem á “heima” í ferðatöskunni.

Við vorum á æðislegu hóteli á Hawaii þar sem þjónustan var framúrskarandi. Ég er algjör snyrtipinni og mjög skipulögð og var því virkilega ánægð með room service á hótelinu sem raðaði öllum snyrtivörunum mínum svona líka vel upp – alla daga!

xx

Andlit

Chanel Vitalumiére Loose Powder: Þetta lausa púður frá Chanel keypti ég mér í fyrsta skipti fyrir rúmlega ári og hef notað alla daga síðan. Ég nota venjulega ekki hyljara en skelli alltaf smá af púðrinu undir augun og á t-svæðið með burstanum sem fylgir með og ég sver það, þetta púður virkar einsog “real-life photoshop”. Áferðin er létt og falleg og þurrkar ekki upp húðina. Púðrið er með SPF 15 sólarvörn. (Ég nota púðrið venjulega í lit 020 undir augun en á lit 010 ef ég er mjög hvít og 040 ef ég set yfir allt andlitið)

Guerlain Terracotta Sun Serum: Ég er svo heppin að eiga frænku sem er förðunarmeistari og er dugleg að kynna mig fyrir spennandi vörum og gefa mér prufur. Ég fékk sun serum tan booster dropana að gjöf áður en ég fór út en þeir eru ætlaðir til þess að virkja og viðhalda melanin (brúnku) framleiðslu húðarinnar þegar maður er í sól auk þess að vera mjög rakagefandi. Ég byrjaði að nota dropana á Hawaii og blandaði saman við andlitskremið mitt en frænka mín mældi líka með að blanda þeim út í bodylotion þar sem það má einnig nota serumið á líkamann.

Guerlain Météorities Baby Glow & Sensai Bronzing Gel: Vinkona mín kynnti mig fyrir þessari blöndu nýlega og hef ég ekki notað annað á andlitið síðan. Baby Glow er mjög léttur fljótandi farði sem hentar mér mjög vel þar sem ég vil ekki mikla þekju og fýla betur að húðin sé létt og glóandi eða “no makeup-makeup” look. Ég blanda brozing gelinu svo út í en þá verður áferðin ennþá léttari. Þetta hentaði vel úti þar sem Baby Glow er með SPF 25 sólarvörn.

MAC Fix+: Það kannast held ég flestir við Fix+ andlitsspreyið en þessa týpu keypti ég nýlega. Ég held að þetta sé special edition en spreyið er með kókoslykt – fáránlega frískandi og passaði fullkomlega á Hawaii.

Laugar Spa FACE Day&Night Cream & Facial Gel Cleanser: Ég nota nánast eingöngu Laugar Spa húðvörurnar – bæði vegna þess að mér finnst þær dásamlegar, eru lífrænar, náttúrulegar, handunnar og cruelty free EN einnig vegna þess að elsku mamma mín hannaði og þróaði vörulínuna. Ég hef mikið fengið að vera með í því ferli og erum við alltaf að prófa nýja og spennandi hluti til að bæta við línuna. Þegar ég ferðast tek ég oft meira af vörunum með mér en í þessu ferðalagi lét ég þessar tvær duga. Andlitskremið nota ég kvölds og morgna alla daga og svo hreinsa ég húðina alltaf með gelhreinsinum á kvöldið, hvort sem ég er máluð eða ekki. Gelhreinsirinn inniheldur lemongrass sem er virkilega frískandi. Venjulega er ég líka með serumið frá Laugar Spa en ákvað að geyma það heima þar sem ég tók Sun Serumið með mér.

xx

Hár

Vörurnar fékk ég að gjöf frá Moroccan Oil og Maria Nila á Íslandi.

Moroccan Oil Luminous Hairspray: Ég byrjaði að nota hárspreyið frá Moroccan Oil fyrir tveimur árum og hef ekki snert annað síðan. Það gerir hárið ekki of glansandi eða stíft og lyktin er dásamleg. Upphaflega notaði ég það bara fyrir greiðslur eða þegar ég var að fljúga en núna nota ég það nánast daglega, t.d. alltaf til að festa “babyhárin” þegar ég er með tagl eða snúð.

Moroccan Oil Dry Shampoo: Þurrsjampó er minn besti vinur þar sem ég æfi nánast alla daga og vil ekki þvo hárið of oft í viku. Ég hef sömu sögu að segja af Moroccan Oil þurrsjampóinu en eftir að ég prófaði það hef ég ekki notað annað. Sama dásamlega lyktin af því og öðrum vörum MO og svo er það ótrúlega létt og gerir hárið ekki stíft eða þykkt. Light tones útgáfan er með fjólubláum blæ sem lýsir rótina og losar hárið við gulan tón sem á það oft til að myndast í ljósu hári – þá sérstaklega í sól.

Moroccan Oil Dry Texture Spray: Þessi vara kom í fyrra og hún gefur hárinu stífleika og þykka áferð sem hentar vel fyrir snúða, flugfreyjugreiðsluna og bara til að gefa hárinu meiri fyllingu þegar þess er óskað. Lyktin er sú sama og áferðin er mjög þægileg og gerir hárið auðvelt meðferðar.

Moroccan Oil Treatment LightÞetta er klassíska argan olían en hana set ég alltaf í hárið eftir sturtu og hef gert í mörg ár. Ég nota light útgáfuna.

Maria Nila True Soft Shampoo&Conditioner: Ég hef verið að nota Maria Nila sjampó og næringu í rúmlega hálft ár og þá aðallega Silver línuna sem er ætluð fyrir ljóst hár til að næra það og losa við gula tóna. Hárið mitt hefur held ég aldrei verið betra og henta þessar vörur mér mjög vel en þegar ég var að fara út mældu þau í Maria Nila með því að ég notaði True Soft á meðan ég væri úti þar sem hárið þyrfti extra mikinn raka í sólinni.

xx

Húð

Vörurnar fékk ég að gjöf frá Moroccan Oil á Íslandi og Hawaiian Tropic á Íslandi

Hawaiian Tropic: Það er nauðsynlegt að verja húðina vel þegar ferðast er til sólarlanda en ég fékk ýmsar sólarvarnir frá Hawaiian Tropic áður en ég fór út. Mér finnst lyktin af Hawaiian Tropic vörunum alltaf jafn góð en ég notaði þessar tvær vörur mest. Satin Protection með SPF 30 á líkamann en áferðin á kreminu er mjög þægileg og auðvelt að dreifa úr því auk þess sem það er með smá “shimmer” sem gefur fallegan gljáa. Ég bar svo alltaf á mig Face Hydration yfir andlitskremið mitt og undir farða ef ég málaði mig.

Moroccan Oil Sun: Þegar þau hjá Moroccan Oil vissu að ég væri að fara út voru þau svo yndisleg að gefa mér þessar prufur úr Sun línunni. Vörurnar eru ekki enn komnar í sölu en ég vona svo sannarlega að þær geri það fljótlega! Sólarolían er létt og þægileg, klístrast ekki og er með smá “shimmer” í. Ég notaði hana meira yfir daginn eftir að hafa sett sterkari vörn á mig til að viðhalda vörn og raka. After-Sun mjólkina bar ég svo á mig alla daga eftir sturtuna en hún er í spreyformi og því ótrúlega auðvelt að skella henni á allan líkamann og dreifa úr. Lyktin af báðum vörunum er sjúúúklega góð!

xx

Birgitta Líf
instagram: @birgittalif
snapchat: birgittalif

H Magasín: Kíkt í snyrtibudduna

Laugar SpaLífiðÚtlit

Ég hef verið að skrifa fræðslu- og heilsupistla á vefinn H Magasín frá því hann opnaði núna í byrjun árs ásamt stelpunum í RVKfit (meira hér og hér).

H Magasín fékk síðan að kíkja í snyrtibudduna mína fyrir stuttu en þar deili ég mínum uppáhalds snyrtivörum og húðrútínu.

Til að lesa meira endilega kíkið hingað: http://www.hmagasin.is/tiska/snyrtibuddan-birgitta-lif

 

xx

Birgitta Líf
instagram: @birgittalif
snapchat: birgittalif

RVKfit

ÆfingarHeilsaLífiðRVKfit

Mig langaði aðeins að segja ykkur frá RVKfit enda er það líklega ein helsta ástæða þess að ég er komin hingað á Trendnet að blogga. RVKfit er hópur sem samanstendur af sjö stelpum sem hafa mikinn áhuga á heilbrigðum lífsstíl og deila því á Snapchat undir nafninu RVKfit.

Þessar sjö stelpur eru ég og vinkonur mínar en í grunninn erum við bara vinkonuhópur sem elskum að hreyfa okkur, borða góðan mat og hafa gaman. Við höfum flestar þekkst í nokkur ár og tengjumst á mismunandi hátt innbyrðis en í rauninni kynntumst við sem hópur í World Class þar sem við vorum allar að vinna og æfa. Þetta þróaðist út í það að við vorum allar í þjálfun saman og vorum að spamma okkar eigin snöpp með æfingamyndböndum og út frá því kviknaði sú hugmynd að prófa að opna snapchat-aðgang þar sem við myndum skipta dögunum á milli okkar og sýna frá æfingum, mataræði, daglegu lífi og öðru skemmtilegu. RVKfit snappið var lítil hugmynd sem vatt uppá sig og í dag er þetta stór partur af lífi okkar allra og höfum við fengið fullt af skemmtilegum tækifærum út frá þessu – bæði sem hópur og einstaklingar.

Fylgjendahópurinn okkar stækkar með hverjum deginum og það er ekkert smá skemmtilegt að fá hrós og skilaboð sem hvetur okkur áfram að halda áfram með snappið og gera fleiri hluti út frá því. Það að heyra að við höfum hvetjandi áhrif á aðra er enn meiri hvatning fyrir okkur sjálfar á æfingum! Þrátt fyrir að hafa allar verið vanar að æfa flesta daga og huga að heilsunni held ég að ég tali fyrir hönd hópsins að áhuginn hefur bara aukist eftir að við byrjuðum með snappið og erum við duglegar að prófa okkur áfram og læra nýja hluti í ræktinni. Þrátt fyrir að rauði þráðurinn á snappinu sé heilbrigður lífstíll þá eru dagarnir okkar ólíkir enda erum við fjölbreyttur hópur af sjö stelpum með mismunandi líf og áhugamál. Ég held að fólk tengi við okkur allar á mismunandi hátt og það er akkúrat það sem gerir þetta fjölbreytt og skemmtilegt.

,,Heilbrigður lífsstíll er í okkar huga góð blanda af hollu matarræði ásamt reglulegum æfingum en við í RVKfit einblínum á jafnvægi bæði hvað varðar mat og æfingar. Það sem einkennir RVKfit er að hópurinn er fjölbreytt blanda af ósköp venjulegum stelpum sem lifa hvorki við öfgar í æfingum né mataræði. Hjá okkur skiptir jafnvægið höfuðmáli en heilbrigður lífsstíll er eitthvað sem þarf að geta viðhaldist ævilangt.”

Auk snappsins erum við með Facebooksíðu þar sem við reynum að vera duglegar að setja inn uppskriftir, æfingar og annað af snappinu þar sem það er aðgengilegt lengur en í 24 tíma.

Mig langar að kynna ykkur betur fyrir stelpunum og gera það að vikulegum lið í sumar hér á blogginu – en þangað til getið þið “kynnst” þeim og fylgst betur með okkur á snappinu. Það að eiga vinkonur sem hafa sama áhugamál er virkilega dýrmætt og einn skemmtilegasti tími dagsins er að mæta á æfingu þar sem félagsskapurinn eru bestu vinkonurnar!

xx

Birgitta Líf
instagram: @birgittalif
snapchat: birgittalif

Workout – MYNDIR

ÆfingarLífiðNikeWorld Class

Við Helgi vorum í skemmtilegu verkefni saman þegar hann var á Íslandi um daginn (meira um það seinna) og eyddum dágóðum tíma saman í kringum það. Helga langaði til að koma með mér á æfingu en við ákváðum að skella okkur saman eftir að verkefnið var búið.

Við fórum eftir lokun í World Class og nýttum því tækifærið til að smella af nokkrum æfingamyndum. Mér finnst alltaf jafn gaman að fara á æfingu – setja góða tónlist á í salnum, svitna, hlæja, dansa, taka á því, zone-a út, spjalla … Einn stærsti parturinn af því að fara á æfingu finnst mér vera félagsskapurinn. Endorfín losnar út í líkamann og mér líður alltaf betur eftir æfingu sama hvort það hafi verið þung lyftingaræfing eða bara rúll og teygjur með vinkonunum.

Þarna líður mér best!

Myndir eftir Helga Ómars

xx

Birgitta Líf
instagram: @birgittalif
snapchat: birgittalif

Áttan: Ekki Seena

DansLífið

Ég tók þátt í skemmtilegu verkefni með Áttunni núna í byrjun maí. Áttan var að gefa út nýtt lag og tónlistarmyndband sem ber heitið Ekki Seena og er virkilega skemmtilegur sumarsmellur! Verkefnið fólst í því að semja og dansa í tónlistarmyndbandinu með þeim en það gerði ég ásamt vinkonum mínum Vöku, Helgu Sigrúnu og Söru Dís – en við komum allar úr Dansstúdíó World Class // DWC.

Upptökurnar fóru fram á laugardegi á ströndinni á Akranesi en veðrið þennan dag var meiriháttar – það var meira eins og við værum að taka upp á Hawaii en ekki Íslandi. Gerist ekki betra! Dagurinn var langur en skemmtilegur og erum við virkilega ánægð með útkomuna.

Ég tók nokkrar “behind the scenes” myndir yfir daginn og leyfi þeim að fylgja með. Fötin sem við stelpurnar vorum í fengum við hjá lánuð Vero Moda.

 

xx

Birgitta Líf
instagram: @birgittalif
snapchat: birgittalif

HALLÓ TRENDNET!

Lífið

Góða kvöldið kæru lesendur!

x

Birgitta Líf heiti ég og er nýr bloggari hér á Trendnet. Ég er splunkuný í bloggheiminum en hlakka mikið til að deila skemmtilegum hlutum hérna með ykkur. Ég mun að mestu blogga um hluti tengda heilsu og hreyfingu en ég hef mikinn áhuga á öllu því tengdu ásamt tísku, ferðalögum og fleiru.

Til þess að kynna mig örlítið betur þá er ég 24 ára og bý í Reykjavík. Ég er með BA próf í lögfræði frá HR og stunda núna mastersnám í alþjóðaviðskipum í fjarnámi. Ég starfa sem samfélagsmiðlastjóri fyrir World Class og Laugar Spa, er að hefja fimmta sumarið mitt sem flugfreyja hjá Icelandair og er framkvæmdarstjóri Ungfrú Ísland. Ég fæddist bókstaflega inn í líkamsræktarheiminn og nánast ólst upp í World Class. Frá 3ja ára aldri hef ég æft dans og eftir að ég hafði aldur til byrjaði ég að stunda almenna líkamsrækt. Síðustu ár hefur líkamsræktin orðið mitt helsta áhugamál en ég elska að hreyfa mig og mæta á æfingar með vinkonum mínum. Ég æfi nánast daglega allt árið um kring og reyni því að stunda mjög fjölbreytta hreyfingu.

Ég er mjög spennt fyrir að slást í Trendnet hópinn og vona að þið munið hafa jafn gaman af og ég! Ég leyfi nokkrum myndum af instagraminu mínu að fylgja með.

xx

Birgitta Líf
instagram: @birgittalif
snapchat: birgittalif