Birgitta Líf

Brúlla?

ÆfingarHeilsaWorld Class

Þessi græja er ein mesta snilld sem ég hef eignast! Mér fannst þetta frekar skringilega útlítandi brúsi þegar ég sá hann fyrst en um leið og ég fattaði hvað þetta var…brúsi sem er líka rúlla!? Hversu sniðugt!

Mér finnst mjög gott að rúlla líkamann hvort sem það er fyrir eða eftir æfingar (en það er efni í aðra færslu) og er alltaf með tösku í bílnum með allskonar æfinga”aukahlutum” þar sem foamrúllan mín er meðal annars geymd. Þessi taska kemur þó alls ekki alltaf með inn í ræktina og verður rúllan því alltof oft eftir úti í bíl þegar ég þarf á henni að halda. Að sameina þetta í eitt, vatnsbrúsa og rúllu, er því alveg ótrúlega hentugt því ég er ALLTAF með vatnsbrúsa á æfingum.

Mér finnst þetta svo ótrúlega sniðugt að ég gat ekki annað en deilt þessu með ykkur. Það skemmir ekki fyrir að brúllan er úr 100% endurvinnanlegu ryðfríu stáli og er BPA free. Við í World Class erum að selja Brúlluna bæði í stöðvunum og á vefversluninni: https://www.worldclass.is/frettir/brusi-eda-rulla/ 

Virkilega sniðugt í jólapakkann fyrir æfingafélagana!

xx

Birgitta Líf
instagram & snapchat: birgittalif

Laugardagsæfingin vol. 2

ÆfingarLaugar SpaRVKfitWorld Class

Laugardagsæfingin var að sjálfsögðu á sínum stað. Við vinkonurnar byrjuðum daginn í Svarta Boxinu í World Class Kringlunni og fórum svo í Betri stofuna í Laugum, röltum í miðbænum og enduðum í pizzu á Flatey að vana – virkilega notalegt!

xx

Æfingavikan var búin að vera frekar strembin hjá okkur öllum með tilheyrandi þreyttum vöðvum. Við settum upp létta og þægilega æfingu þar sem einungis eru bodyweight æfingar (þ.e. engin lóð eða þyngdir) með hlaupum inná milli til að keyra púlsinn upp og svitna vel. Það er svo að sjálfsögðu hægt að bæta þyngdum við þessar æfingar en annars er hún tilvalin til að taka þegar maður vill bara svitna vel og taka á því. Æfingin sjálf tekur u.þ.b. 20 mínútur svo það er tilvalið að taka hringinn allavega 2x.


Bodyweight-æfing með hlaupum:

Upphitun

  • 16 framstigshopp
  • 20 toe touches

200m hlaup

  • 20 hangandi fótalyftur
  • 10 dýfur

200m hlaup

  • 10 kassahopp
  • 20 armbeygjur

200m hlaup

  • 10 öfugar fótalyftur í hringjum
  • 20 good mornings

200m hlaup

Teygjur


 

Æfinguna getið þið séð hér!

xx

Birgitta Líf
instagram & snapchat: birgittalif

Jólin á Borðinu

LífiðRVKfit

Okkur vinkonunum var í vikunni boðið að koma og upplifa jólin á Borðinu.

Borðið er ótrúlega fallegur veitingastaður á Ægissíðu sem er meðal annars þekktur fyrir sína ljúffengu kanilsnúða og helgarbrönsinn. Það eru þrjú hjón sem eiga Borðið saman ásamt kokkinum og svo aðra staði, meðal annars á Hlemm. Þau flytja allt sjálf inn frá Ítalíu og Bretlandi. Þau eru öll að vinna að öðrum verkefnum líka en það var draumur þeirra að eiga lítinn kósý veitingastað þar sem hægt væri að komast aðeins frá miðbænum í hverfi þar sem hægt er að borða góðan mat í fallegu umhverfi. Þau ná svo sannarlega að skapa akkúrat þannig stemningu og umhverfi á Borðinu og verð ég að mæla með að fólk geri sér ferð þangað.

Jólamatseðilinn er þriggja rétta og er val um grænmetis eða kjötseðil. Boðið er uppá hann í hádeginu og á kvöldin í desember og fara borðapantanir frá á bordid@bordid.is – það sem er líka skemmtilegt við Borðið er að það má alltaf koma með eigið vín á staðinn. Maturinn, umhverfið og félagsskapurinn var allt uppá tíu!

Takk innilega fyrir okkur Borðið

xx

Birgitta Líf
instagram & snapchat: birgittalif

Laugardagsæfingin

66° NORTHÆfingarLaugar SpaRVKfitUppskriftirWorld Class

Eftir að eðlileg rútína og skóli/vinnuvika er komin á eftir sumarið hafa laugardagar orðið hálf-heilagir sem æfing&spa dagar hjá okkur vinkonunum. Það er fátt betra en að sofa örlítið út og skella sér svo á skemmtilega æfingu með vinkonunum og slaka svo á í spa-inu. Hvort sem planið er svo að hafa það notalegt um kvöldið eða skella sér út á lífið er svo gott að taka daginn með trompi og vera alveg endurnærður!

xx

Ég svaf til rúmlega 10 í morgun og útbjó mér ljúffengan hafragraut:

1 dl Tröllahafrar
1 msk chiafræ
2 msk Amino Collagen duft
20 g Cookie Dough Whey Protein
1 dl Rebel Kitchen súkkulaði”mjólk”
1 dl vatn

Ég fór svo og hitti Jórunni vinkonu mína í World Class Kringlunni þar sem við tókum saman æfingu í Svarta boxinu. Svarta boxið er free training salur í Kringlunni sem er opinn á sama tíma og stöðin sjálf. Á laugardögum lokar frekar snemma og mættum við eftir lokun þar sem ég nýtti mér aðstöðu mína og höfðum við salinn því alveg útaf fyrir okkur.

Æfingin sem við gerðum er frá Mark Johnson þjálfara í World Class. Við byrjuðum á að hlaupa kílómeter og gerðum svo upphitunarhring án lóða tvisvar sinnum:

20 birddogs
20/30 bandwalks
20 crunches
20 passthrough
10 hnébeygjur
30 cross
100 sipp

Eftir að hafa hitað líkamann vel upp með hlaupi, æfingum og teygjum stilltum við símanum upp og tókum æfinguna sjálfa upp. Æfingin tekur á nánast öllum líkamanum og keyrir púlsinn vel upp með hlaupi á milli æfinga. Það var ágætis pressa að hafa upptökuna í gangi og hvatti okkur sjálfar því áfram í leiðinni. Myndbandið var stillt á timelapse svo það er mjög hratt en mig langaði samt sem áður að deila því og æfingunni með ykkur!

Eftir æfinguna fórum við í Betri stofuna í Laugum – en hvíld og recovery er álíka jafn mikilvægt fyrir líkamann og að hreyfa sig. Að fara í heita og kalda pottinn og gufu getur gert gæfumuninn í að minnka harðsperrur og hvíla vöðvana fyrir utan hvað það er ótrúlega notalegt. Við komum sáttar og sælar útúr þessum laugardegi xx

Ég hlakka til að deila með ykkur fleiri laugardagsæfingum –

xx

Birgitta Líf
instagram & snapchat: birgittalif

Sprettæfing: Pýramídi

ÆfingarHeilsa

Ég er alltaf með eina “go-to” sprettæfingu sem ég tek þegar ég veit ekki hvað ég eigi að gera á æfingu eða er ekki í gírnum. Það þægilega við hana er að hún er stutt og því engin afsökun að nenna ekki að taka hana. Nánast undantekningarlaust kemst ég í meiri æfingagír við að gera hana og enda oftast á að æfa meira. Hún kemur manni þannig vel af stað sama hvort hún er tekin stök, fyrir æfingu eða eftir æfingu.

Ég byrja oftast á að rölta eða skokka í ca 5 mín áður en ég tek sprettina en æfingin sjálf er ekki nema 15 mínútur og maður svitnar VEL! Ég kalla hana pýramídaæfinguna þar sem ég hækka hraðann eftir hvern sprett þangað til “toppi” pýramídans er náð og lækka svo aftur niður smám saman í byrjunarhraðann. Ég hækka/lækka alltaf um 0.7 km/klst á milli spretta. Ég hef prófað að hafa hraðabreytinguna bæði minni og meiri en mér finnst 0.7 best. Það er ekki of mikil hraðabreyting en samt sem áður mjög krefjandi – þetta á ekki að vera auðvelt! Við viljum alltaf ögra okkur aðeins en fyrir þá sem eru að byrja er bæði hægt að auðvelda æfinguna með því að taka færri spretti (og þá er “toppurinn” lægri hraði og þá lækkað aftur niður) eða gera hana erfiðari með því að fjölga sprettunum og þá verður “toppurinn” hærri/hraðari! Ég hvet ykkur til að lækka ekki hraðann heldur taka frekar færri spretti og vinna ykkur smám saman upp í “alla” æfinguna. Sprettina hef ég 30 sek langa og í hvíldinni hoppa ég með fæturna af brettinu í 30 sek. Það er sama með þetta – hægt er að hafa sprettina lengri og hvíldina styttri o.s.frv. en svona geri ég æfinguna oftast:

xx

 


Pýramídasprettir Birgittu Líf

 

#1: Hraði 13 km/klst í 30 sek
30 sek hvíld


#2: Hraði 13.7 km/klst í 30 sek
30 sek hvíld


#3: Hraði 14.4 km/klst í 30 sek
30 sek hvíld


#4: Hraði 15.1 km/klst í 30 sek
30 sek hvíld


#5: Hraði 15.8 km/klst í 30 sek
30 sek hvíld


#6: Hraði 16.5 km/klst í 30 sek
30 sek hvíld


#7: Hraði 17.2 km/klst í 30 sek
30 sek hvíld


#8: Hraði 17.9 km/klst í 30 sek (toppurinn)
30 sek hvíld


#9: Hraði 17.2 km/klst í 30 sek
30 sek hvíld


#10: Hraði 16.5 km/klst í 30 sek
30 sek hvíld


#11: Hraði 15.8 km/klst í 30 sek
30 sek hvíld


#12: Hraði 15.1 km/klst í 30 sek
30 sek hvíld


#13: Hraði 14.4 km/klst í 30 sek
30 sek hvíld


#14: Hraði 13.7 km/klst í 30 sek
30 sek hvíld


#15: Hraði 13 km/klst í 30 sek

 


Mér finnst alltaf gaman að fá hugmyndir af æfingum frá öðrum og sérstaklega svona þar sem maður getur síðan aðlagað að sínu stigi. Let’s run!

xx

Birgitta Líf
instagram & snapchat: birgittalif

Jólagjafalisti + BOSE afsláttakóði

Laugar SpaLífiðNikeSnyrtivörurTískaWorld Class

Nú er aðeins rúmur mánuður til jóla (!!) og flestir farnir að huga að jólagjöfum. Ég tók saman smá lista sem er blanda af bæði hlutum sem ég á eða mig langar í. Ég vona að þetta gefi einhverjum hugmyndir að gjöfum en hér neðar í færslunni leynast bæði afsláttakóðar og tilboð!

xx

 

1. Kaldi ullarhúfa og ullarlúffur – 66° Norður

Ég eignaðist þetta sett frá 66° fyrr í vetur og finnst það ótrúlega flott, fyrir utan hvað það er hlýtt!

2. Chanel Velvet Boy Bag – Chanel Boutique

Ég er forfallinn Boy aðdáandi og finnst velvet útgáfurnar mjög fallegar og öðruvísi.

3. Maria Black Jewellry – Húrra Reykjavík

Ég rakst á þetta skart á instagram hjá Húrra Reykjavík í vikunni og langar mikið í nokkra lokka úr línunni.

4. Laugar Spa BODY Mist – Laugar Spa

Sweet Amber er minn uppáhaldsilmur og ég baða mig í þessu spreyi alla morgna. Með kóðanum helgiomars fáiði 20% afslátt af öllum Laugar Spa vörunum í vefverslun.

5. Inika Organics varalitur – Lyf og heilsa

Persónulega nota ég sjaldan varaliti en ég eignaðist Nude Pink frá Inika í haust og hef notað hann óspart. Fullkominn nude litur og formúla sem heldur raka á vörunum. Ekki skemmir fyrir að vörurnar eru lífrænar.

6. Bose Soundlink Revolve Bluetooth ferðahátalari – Nýherji

Ég fékk Bose Soundlink ferðahátalara að gjöf frá Nýherja fyrir nokkrum mánuðum og hef notað hann alla daga síðan. Það fyrsta sem ég geri þegar ég vakna er að kveikja á honum og alltaf þegar ég er að koma mér í gírinn fyrir æfingu. Hljóðið er 360° og stærðin á honum er fullkomin til að ferðast með – bæði á milli herbergja heima sem og erlendis. Ég tók hátalarann bæði með mér til Miami og Kína svo hann hefur reynst mjög vel! Hátalarinn er einnig vatnsvarinn – tilvalinn í jólapakkann!

Afslátturinn er ekki lengur gildur: Kóðinn Birgitta gefur ykkur 15% afslátt af hátalaranum í netverslun Nýherja www.netverslun.is. Fyrr í haust var ég með afsláttarkóða af Bose SoundSport æfingaheyrnatólunum og vegna fjölda skilaboða um þau fékk ég þá í Nýherja til að virkja afsláttinn af þeim aftur! Sami kóði: Birgitta og hann færir ykkur 15% afslátt.

7. Gucci Survie Fox Fur Scarf – Gucci

Afar fallegur klútur með silfurref sem hentar vel yfir kaldari tímann.

8. Bitz diskastell og hnífapör – BAST Lífstíll Kringlan

Þrátt fyrir að búa enn heima er ég farin að huga að innbúi þegar ég eignast mína eigin íbúð og er ég dolfallin fyrir allri Bitz línunni. Hugsunin á bakvið hönnunina er skemmtileg og allir hlutirnir virkilega fallegir. Mér finnst svarta diskastellið ótrúlega flott og bæði gylltu og svörtu hnífapörin falleg í bland við. Bitz línan fæst í BAST í Kringlunni sem er ný lífstílsbúð á 1. hæð.

9. Nike Air Zoom Pegasus 34 – Nike

Mínir uppáhalds hlaupaskór í augnablikinu eru Pegasus frá Nike. Þeir veita góðan stuðning og eru með loftpúða í hæl og tábergi.

10. Gjafabréf í Betri stofu Lauga

Ég er nýkomin heim úr Laugar Spa þegar ég skrifa þessa færslu og það er alltaf jafn notalegt að fara þangað og slaka vel á. Fyrir jólin er 2 fyrir 1 tilboð á gjafabréfum í Betri stofuna í vefverslun: https://www.worldclass.is/vefverslun/tilbod/betri-stofan-adgangur-fyrir-tvostar/ Hvað er betra en að fá dekur í jólapakkann!

xx

Ég mun deila fleiri svona listum á næstunni og vona að þið getið nýtt ykkur þetta.

xx

Birgitta Líf
instagram & snapchat: birgittalif

Kínaævintýrið

66° NORTHLífið

Nihao

 xx

Ég hef fengið margar spurningar um ferðalagið sem ég fór í um daginn, bæði hvernig hafi verið og hvað ég hafi verið að gera og langar mig að segja ykkur betur frá þessu Kínaævintýri sem ég var svo heppin að fá að upplifa um daginn.

Ég segi heppin því mér finnst alls ekki sjálfsagt að fá að ferðast hinumegin á hnöttinn og upplifa aðra menningu og kynnast um leið fólki frá öllum heimshornum. Ég fór í ferðina á vegum Ungfrú Ísland sem framkvæmdarstjóri en keppnin Miss Globalcity bauð mér, national director, ásamt þátttakanda frá Íslandi að koma til Kína í tvær vikur. Ég fór með Anítu Ösp sem hlaut titilinn Miss Top Model Iceland 2016 og áttum við meiriháttar ferðalag saman. Stjórnendur og skipuleggjendur keppninnar eru frá Taíwan og var ekkert smá vel að öllu staðið. Það var hugsað um okkur frá morgni til kvölds og voru umsjónardömurnar hver annarri yndislegri. Þátttakendur í Miss Globalcity voru tæplega 40 og vorum við fjórir national directors með í för – en hinir voru frá Englandi, Þýskalandi og Rússlandi.

Kína kom mér ótrúlega skemmtilega á óvart en ég vissi í raun ekkert við hverju var að búast – eitt var ég þó viss um en það var að hinn hefðbundni kínverski matur er ekki sá sem við þekkjum sem “kínverskan mat” og var búið að ráðleggja okkur að taka nóg af nesti. Þetta reyndist svo sannarlega rétt og er ég mjög þakklát fyrir að við höfum fyllt töskurnar af Froosh, próteinstykkjum, núðlum og að sjálfsögðu Nocco. Þetta kom sér virkilega vel þegar það eina sem við gátum komið ofaní okkur yfir daginn var skál af hrísgrjónum – sem ég var samt hæstánægð með að fá! Það er líklega best að lýsa þessu þannig að maturinn er flestur enn með augu, gogg eða klær. Hann var ekkert endilega vondur (þegar ég fékk mig til að smakka uppá kurteisissakir) heldur var það útlitið og áferðin sem fékk mig til að missa alla lyst. Mér varð líka hálfflökurt að vita ekki hvað væri á disknum fyrir framan mig og kínversku vinir mínir svöruðu bara “in China we don’t ask, just eat” eða “I think it’s chicken” … you THINK já, nei takk!

Ég átti 25 ára afmæli á meðan við vorum úti og kínversku vinir mínir sáu aldeilis til þess að dagurinn yrði eftirminnilegur. Við eyddum deginum á snekkju og um kvöldið var góðgerðardinner í glæsilegum herragarði þar sem ég fékk stærstu köku í heimi og afmælissöng af bestu gerð. Þessum degi mun ég seint gleyma xx

Þar sem ég var í starfi framkvæmdarstjóra Ungfrú Ísland þarna úti var ég ekki alltaf með Anítu heldur hinum framkvæmdarstjórunum, stjórnendunum og alls kyns aðilum úr ólíkum stöðum og geirum frá Asíu. Þetta fannst mér virkilega skemmtilegt og dýrmæt reynsla en ég fékk að kynnast fólki á öllum aldri og bæði ráðherrum, tónlistarmönnum, listmálurum, prófessorum, kvikmyndaleikstjórum o.s.frv.

Við vorum base-uð í Shanghai í gegnum keppnina en ferðuðumst einnig um Kína, m.a. til Wenzhou sem var ótrúlega fallegt. Shanghai er alveg ótrúlega falleg borg og á Manhattan ekki roð í háhýsin og ljósadýrðina þar.

Lokakvöld keppninnar fór fram á W hótelinu sem er eitt það flottasta sem ég hef komið á og er útsýnið þar yfir The Bund alveg magnað. Ég sat í dómnefnd ásamt fjórtán manns sem var mjög skemmtileg reynsla. Lokakvöldið fór fram fyrir fullum sal af fólki og var einnig sjónvarpað á Kínverskum og Taíwönskum sjónvarpsstöðvum og streymt í beinni svo að vinir og vandamenn okkar gátu fylgst með að heiman. Með 5 mínútna fyrirvara var með sagt að ég ætti að fara uppá svið og halda ræðu. Ég er mjög feimin en varð að bíta á jaxlinn og ganga upp á svið eins og láta ekki sjást að ég hefði ekkert getað undirbúið mig. Þetta tókst og ég stóð fyrir framan mörghundruð manns í beinni útsendingu og hélt óundirbúna ræðu á ensku – viðurkenni að ég var frekar stolt af mér á þessu augnabliki. Ég fór svo seinna um kvöldið upp á svið til að krýna Best Gala Dress Performance og kom það skemmtilega á óvart að ég krýndi Anítu – virkilega krúttlegt móment hjá okkur vinkonunum xx

Eftir keppnina komum við okkur hjá því að þurfa að “borða” sama kínverska matinn og fórum á veitingastaðinn á toppnum á W hótelinu þar sem við fengum ljúffengar steikur. Staðurinn var virkilega flottur með meiriháttar útsýni og góðum mat – ég mæli með ef þið eigið leið til Shanghai! Síðasta daginn áttum við frí og ákváðum við að eyða honum í Disneylandi þar sem við skemmtum okkur konunglega.

Mér þykir ótrúlega vænt um að hafa fengið að fara í þetta ævintýri og kynnast öllu þessu fólki og upplifa menningu þeirra. Ég vona að ég fái tækifæri til að kynnast Kína betur í framtíðinni.

Xiéxié

 

xx

 

Birgitta Líf

instagram & snapchat: birgittalif

 

 

Lakkrísbomban

Uppskriftir

Í tilefni þess að ég varð 25 ára þann 19. október s.l. bauð ég nánustu vinkonunum í smá brunch um helgina (en ég ætla svo að halda betur uppá það þegar tími gefst). Þegar kemur að bakstri og kökum get ég alveg gleymt mér í gleðinni en ég elska að baka og er alltaf að prófa mig áfram í eldhúsinu! Þar er ég líka ekkert að spá í hollustunni heldur er ég á því að ef maður er að baka eða leyfa sér á annað borð þá verður maður að njóta þess – svo lengi sem maður gætir almennt hófs á móti.

Fyrir ári síðan bauð ég í svipaðan afmælisbrunch og prófaði þá að gera piparlakkrískrem á venjulega súkkulaðiköku sem vægast sagt sló í gegn. Eftir það hef ég gert kökuna nokkrum sinnum og alltaf breytt örlítið til og prófað mig áfram og um helgina held ég að kakan hafi verið fullkomnuð. Ég sýndi örlítið frá bakstrinum á snapchat og instagram og fékk fjölmargar beiðnir um uppskrift sem ég ætla að sjálfsögðu að deila með ykkur hér – þessa verða allir lakkrísunnendur að prófa :)

Ég bý öll mín krem alltaf til frá grunni en skammast mín ekkert fyrir það að segja að ég nota langoftast Betty Crocker kökumix í botninn nema með smá “leynihráefni” útí, en fyrir utan það að með því að nota tilbúið mix einfaldar maður og flýtir mikið fyrir sér í bakstrinum  þá finnst mér kökurnar líka betri. Ég fæ allavega alltaf að heyra hvað botnarnir mínir séu mjúkir og góðir. Leynihráefnið er búðingur (t.d. Royal) en þetta er trix sem ég lærði af Berglindi á Gotterí & gersemar fyrir mörgum árum og ég hef notað síðan. Þá bætir maður einfaldlega búðing (bara duftinu, býrð ekki til “búðing”) útí kökumixið áður en blautefnunum er blandað við. Þetta gefur kökunni meiri “moisture” og “fluffy” áferð.

Nói Síríus var að koma með piparlakkrískurl í baksturinn sem ég notaði um helgina og það var ekkert smá gott. Það er að sjálfsögðu hægt að nota venjulegt lakkrískurl líka en þetta gefur smá “extra”. Ég mæli þó alltaf með að nota Nóa lakkrís í bakstur þar sem hann harðnar ekki í ofninum! Ég hef síðan keypt Dracula piparduft sem ég rakst á í Hagkaup sem er mjög bragðgott útí en það er örugglega hægt að nota hvaða piparduft sem er.

xx

Lakkrísbomba Birgittu Líf

 

Botninn

1 pk Betty Crocker súkkulaðikökumix
1 pk súkkulaðibúðingur 
1 pk Nóa piparlakkrískurl
1 dolla piparduft 
3 egg
Olía skv. leiðbeiningum á BC
Vatn skv. leiðbeiningum á BC

Kökumixið og búðingurinn sett í skál og eggjum, olíu og vatni hrært við skv. leiðbeiningum á Betty Crocker pakkanum. Þegar deigið er tilbúið er pipardufti og piparlakkrískurli blandað varlega saman við. Hellt í tvö smurð form og bakað í u.þ.b. 20 mín.

Kremið

250 g mjúkt smjör
2 egg
4 tsk vanilludropar
4 msk þykkt sýróp
700-900 g flórsykur
1-1,5 dolla piparduft

Smjör, egg, vanilludropar og sýróp hrært létt saman. Hér er lykilatriði að smjörið sé vel mjúkt – það er oft gott að byrja á að hræra það sér til að mýkja upp. Flórsykrinum er svo blandað smátt og smátt rólega saman við þangað til kremið fær þá áferð og þykkt sem þið viljið. Piparduftinu er að lokum bætt útí eftir smekk.

Lakkrískaramellan

1 poki Nóa lakkrís rjómaperlur
4 msk rjómi

Lakkrísperlurnar eru bræddar saman í potti á lágum hita ásamt rjóma. Blöndunni er hellt í litla skál og látin kólna áður en hún fer yfir kremið. Kreminu er smurt á milli botnanna og yfir alla kökuna. Piparlakkrískurli er dreift yfir kremið og lakkrískaramellunni svo slett yfir.

Þegar kemur að kreminu skiptir að mínu mati mestu máli að vera þolinmóður og “dúlla” sér við að blanda það. Blanda fyrstu blönduna vel en rólega saman og setja flórsykurinn í litlum pörtum útí. Ég var örugglega í næstum hálftíma að blanda kremið þar til það náði þeirri áferð sem ég vildi en ég stillti hrærivélina aldrei á meiri hraða en 4-6. Ég nota “hrærarann” á KitchenAid vélina þegar ég blanda kremið.

xx

Ég vona að njótið vel og ykkur er alltaf velkomið að senda mér skilaboð á instagram ef þið hafið spurningar. Það væri gaman að fá að fylgjast með ef þið prófið!

xx

Birgitta Líf
instagram & snapchat: birgittalif

Sneaker Vibes

66° NORTHLífiðNikeTíska

Ég hef alla tíð elskað flotta strigaskó er dugleg að bæta í safnið.

Nýjasta viðbótin eru Nike Air Force Upstep sem ég hef tekið ástfóstri við. Ég sá skóna í H Verslun en þar sem þeir kláruðust þar nældi ég mér í þá í Húrra Reykjavík.

Úlpa: 66° North ‘Drangajökull’

Sólgleraugu: Dior

Peysa: 66° North ‘Bylur’

Buxur: Nike úr H Verslun

Skór: Nike Air Force Upstep úr Húrra Reykjavík

Ég skellti mér á Iceland Airwaves síðustu kvöld og þar hafa strigaskór haft yfirhöndina í vali á skóbúnaði. Mér datt í hug að sýna ykkur nokkra af mínum uppáhalds strigaskóm sem ég hef notað mikið undanfarið!

xx

Nike Air Force Upstep 
Húrra Reykjavík

Ted Baker Kulei Trainers
Ted Baker

Gucci Ace Embroidered Sneaker
Gucci

Nike Mayfly Woven
H Verslun

Ted Baker Pehrie Trainers
Ted Baker

Filling Pieces Mountain Cut
Húrra Reykjavík

Converse Lightweight
H Verslun

Nike SockDart
H Verslun

KENDALL + KYLIE Rae3 Platform Sneaker
Nordstrom

xx

Ég vona að þið hafið gaman af smá sneaker-inspo en ég er að fara til London í vikunni og hlakka til að (vonandi) bæta í safnið – það eru nokkrir á óskalista.

xx

Birgitta Líf
instagram & snapchat: birgittalif

Sunday stroll

66° NORTHLífiðNike

Ég átti virkilega notalegan sunnudag í gær – sá fyrsti í langan tíma þar sem ég var alveg í fríi og ég naut þess svo sannarlega.

xx

Dagurinn byrjaði á brunch á Hverfisgötu 12 ásamt Jennifer og Linneu en okkur í Trendnet var boðið að koma og prófa. Staðurinn er ótrúlega kósý og áttum við mjög nice brunch-stund. Biðin eftir matnum var frekar löng en algjörlega þess virði! Við pöntuðum okkur nokkra rétti af brunchseðlinum til að deila og þeir voru hver öðrum betri.

Eftir brunchinn hitti ég Jórunni vinkonu mína á Laugaveginum og við eyddum deginum í að rölta á milli búða. Það var mjög frískandi að rölta í bænum en veðrið var mjög milt og fallegt. Eftir bæjarröltið hittum við vinkonuhópinn á pizzastaðnum Flatey en þar eru ekta ítalskar, gómsætar súrdeigspizzur. Ég viðurkenni að ég var að fara þangað í annað skipti í vikunni svo ég get ekki annað en mælt með staðnum!

Þessi ljúfi sunnudagur endaði svo að sjálfsögðu á ísbíltúr með vinkonunum.

Úlpa: Drangajökull / 66° North

Skór: Nike Air Force Upstep

xx

Birgitta Líf
instagram & snapchat: birgittalif