Birgitta Líf

Collagen heilsudrykkur – uppskrift

HeilsaUppskriftir

Það er alltaf gott að skella í grænan, ferskan og ofurhollan smoothie en Heilsudrykkur Dísu – sem er á matseðlinum í Laugar Café – er einn af mínum uppáhalds.

Drykkinn er bæði hægt að gera sjálfur heima eða grípa með sér í Laugum, t.d. eftir æfingu.

Við mamma pöntuðum okkur þennan drykk oft og smökkuðum til en hann fór síðan á matseðilinn undir nafninu Heilsudrykkur Dísu!

Heilsudrykkur Dísu

Spínat

Mangó

Kreist epli

Engifer

Sellerí

Spirulina duft

Feel Iceland; Amino Collagen


Magn/hlutföll fer eftir smekk en spirulina duftinu og Amino Collagen próteininu er bætt við í lokin og hrært létt saman við. En hvað er spirulina og Amino Collagen?

Spirulina: Spirulina er blá-grænþörungur sem er ein næringarmesta fæða sem völ er á. Spirulina hjálpar til við að vernda ónæmiskerfið, hjálpar við upptöku steinefna, jafnar matarlyst og hefur hreinsandi áhrif a líkamann.

Amino Collagen: Amino Collagenduftið frá Feel Iceland er 100% íslenskt fæðubótarefni unnið úr fiskiroði. Duftið hjálpar við kollagenframleiðslu líkamans sem eykur teygjanleika og fegurð húðarinnar og styrkir liðina. Ég hef notað duftið í okkur ár en því er hægt að blanda útí nánast hvað sem er. Mér finnst best að bæta því útí smoothie eða hafragraut einsog ég hef skrifað um hér áður – en það er nánast bragðlaust.

Feel Iceland Amino Marine Collagen er m.a. selt í Laugar Café en alla vörulínuna er núna hægt að kaupa í Hagkaup – meira hér. Vöruna fékk ég að gjöf. 

Njótið vel!

xx

Birgitta Líf

instagram & snapchat: birgittalif

Bestu trixin til að fá heilbrigt og ferskt útlit

Laugar SpaSnyrtivörurÚtlit

Okkur vinkonunum bauðst að koma í persónulega ráðgjöf um húðumhirðu hjá Önnu Maríu, snyrtifræðingi, í Laugar Spa. Við kíktum til hennar í gær og áttum ljúfa kvöldstund þar sem við lærðum fullt af skemmtilegum trixum og ráðum í tengslum við almenna húðumhirðu og extra dekur.

Anna María er stútfull af fróðleik og ráðum þegar kemur að þessum málum enda búin að stúdera húðvörur útí eitt en hún er hönnuðurinn á bakvið Laugar Spa línuna ásamt mömmu.

Anna María býður uppá persónulega ráðgjöf í Laugum næsta laugardag þar sem er frítt inn OG allir sem skrá sig og mæta fá síðan 20% afslátt af öllum Laugar Spa FACE, BODY & HOME vörunum – mæli með! xx

Skráning fer fram á laugarspa@laugarspa.is

xx

Birgitta Líf
instagram & snapchat: birgittalif

Nýja heima: Ýmsar hugleiðingar

HeimiliðLífið

Eftir að ég deildi því með ykkur að ég hefði verið að festa kaup á minni fyrstu íbúð hef ég fengið ótrúlega mikið af skilaboðum þar sem þið eruð spennt að fá að fylgjast með þegar ég kem mér fyrir.

Mér finnst gaman að finna fyrir þessum áhuga þar sem ég er sjálf svo ótrúlega spennt fyrir þessu öllu enda alveg að byrja á byrjun að búa. Það er margt sem þarf að huga að – ég á ekki einusinni rúm! Mig dreymir um ýmsa fallega hluti, húsgögn og muni en það þarf allt að koma með tímanum enda ekki ókeypis að kaupa sér íbúð eða hluti í búið – ég er að reyna að sigta út hverju ég byrja á og hvað bíður betri tíma.

Ég er ekki að stressa mig að flytja þar sem mamma og pabbi vilja helst ekkert að ég flytji að heiman, haha, þannig að ég vil frekar koma mér vel fyrir í rólegheitum. Ég er að byrja á að kaupa mér helstu hlutina; rúm, sófa, borðstofuborð og stóla – en svo er auðvitað margt sem mig langar í og fær að bætast við með tímanum.

Ég hef verið dugleg að deila á snapchat & instagram þegar ég er að skoða og velta fyrir mér hlutum í tengslum við íbúðina en langaði að setja smá update hingað líka. Persónulega finnst mér sjálfri svo gaman að fylgjast með svona hjá öðrum þannig mér datt í hug að gefa aðeins ítarlegri update hér heldur en ég deili í story!


Það sem ég var alveg ákveðin í er að mála alla íbúðina. Heima er herbergið mitt allt málað í dökkum grábrúnum lit sem Rut Kára valdi – bæði veggirnir og loftið. Ég var frekar smeik við að hafa loftið líka litað en núna get ég ekki ímyndað mér annað! Það verður svo fallegt flæði og þessvegna var ég alveg viss um að það fyrsta sem yrði gert væri að mála allt.

Ég fór í Slippfélagið og skoðaði nokkra liti og fékk síðan fullt af prufum með mér heim. Ég dundaði mér svo einn daginn við að mála þessar litaprufur á veggina. Ég deildi þessu öllu í instagram story og setti upp könnun um litina sem yfir 2.000 manns tóku þátt í – ég fékk líka í kjölfarið fullt af skilaboðum frá ýmsum aðilum með skoðunum á litum og einnig myndum af þessum litum á þeirra heimilum sem ég hafði mjög gaman að og hjálpaði mér við valið. Eftir mikla umhugsun hef ég ákveðið að mála alrýmið í litnum Sandur, bæði veggi og loft, og síðan svefnherbergið og ganginn í litnum Hekla, líka veggi og loft, en báðir litirnir eru úr Slippfélaginu. Það verður byrjað að mála á fimmtudaginn og ég get ekki beðið.

Ég hef áður skrifað um Bitz vörurnar sem mig dreymir um. Mamma er með bæði Bitz diska og hnífapör heima og er ég ótrúlega hrifin af þessum vörum og hugsuninni á bakvið þær. Ég fór í smá samstarf með lífsstílsversluninni BAST í vetur þar sem við gáfum risa pakka frá Bitz hér á Trendnet og vissi ég því alveg hvert ég ætti að leita núna þegar mig vantaði stell og fleira í búið. Ég kíkti í BAST fyrir helgi og fékk að velja mér nokkrar dásemdir í búið. Diskar og hnífapör frá Bitz, glös frá Lyngby og handklæði frá Södahl var meðal þess sem kom með mér heim. Ég hlakka ótrúlega til að byrja að elda og leggja á borð og geta þá sýnt ykkur þessar fallegu vörur betur.

Ég notaði svo helgina í að raða í eldhússkápana og koma nokkrum vörum fyrir í eldhúsinu sem ég hef sankað að mér síðustu ár.

Ég fór á nokkra staði í leit að gardínum en ég var alveg með það ákveðið í hausnum hvernig gardínur mig langar í. Það eru núþegar hvítar strimlagardínur í íbúðinni þannig ég veit að gardínur ættu kannski ekki að vera svona ofarlega á forgangslistanum í íbúðina en fyrir mér skipta þær miklu máli þar sem þær munu ramma íbúðina svo vel inn og gera mikið þar sem gluggarnir eru mjög stórir. Eftir að íbúðin verður máluð passa hvítu strimlagardínurnar eigilega ekkert við og þessvegna ákvað ég að nýjar gardínur væru á innkaupalistanum núna í byrjun.

Ég fann loksins efnið sem mig langaði í í Bazaar Hlíðarsmára. Þær eru einsog hör í dökk grábrúnum lit (sjá hér). Fyrir utan að þarna fann ég akkúrat það sem mig langaði í þá fékk ég mjög góða þjónustu og var Jóhanna í Bazaar svo yndisleg að koma til mín niður á Vatnsstíg að mæla áður en hún gaf mér tilboð í efni og uppsetningu.

Ég var heillengi að skipta um skoðun á hvernig ég ætla að raða upp alrýminu og því hefur þetta málband á gólfinu fylgt mér síðustu daga þar sem ég fer á milli húsgagnabúða að mæla húsgögn og svo heim að mæla fyrir þeim.

Það er ótrúlega margt sem ég hef augastað á í Módern enda endalaust úrval af fallegum vörum þar. Það eru nokkrir hlutir þar sem mig langar að kaupa mér seinna meir, einsog barborð, bekkur og fleira sem er ekki í forgangi núna til að byrja með. Eplið fellur ekki langt frá eikinni en einsog með diskastellið þá er fleira heima hjá mömmu sem mig langar sjálfri í. Mamma er með risastóran 110cm spegil heima sem ég er dolfallin fyrir en hann gerir mjög mikið fyrir rými. Mamma er með spegilinn í rosegold en ég fór í Módern og fékk að velja mér spegilinn í black. Mig vantaði líka ílangan whole body spegil á ganginn og sá þennan hjá þeim. Ég sá strax að þessi spegill væri fullkominn inn hjá mér þar sem metal ramminn tónar vel við litapallettuna og ég elska grófa lookið á honum. Speglarnir fara klárlega strax upp þegar það verður búið að mála!

Ég er búin að kaupa mér sófa en ég endaði á að kaupa Barcelona sófa hjá Seimei í dökkbláu flaueli! Sófinn var ekki til á lager og kemur því ekki fyrr en eftir um mánuð og er ég mjög spennt að sjá hvernig hann kemur út í rýminu en mér finnst ég vera mjög djörf að taka bláan sófa – ég er öll í hvítu, brúnu og gráu haha.

Ég var síðan búin að hafa augun á bæði borðstofustólum og barstólum í versluninni Heimili og hugmyndir en allt þar inni er akkúrat í þeim stíl sem ég er að leitast eftir að hafa heima hjá mér. Ég ákvað að byrja á að kaupa fjóra borðstofustóla og tvo barstóla og bæta svo fleirum við seinna. Ég valdi mér svo líka borðstofuborð í Heimili og hugmyndir en ég var ekki lengi að ákveða að mig langaði í kringlótt borðstofuborð. Það er einsog svo margt annað væntanlegt eftir nokkrar vikur og bíð ég spennt.

Mamma og pabbi vilja halda rúminu mínu í herberginu heima þannig ég þurfti að finna mér nýtt. Ég hef alltaf átt rúm úr Svefn&Heilsu og kom því ekkert annað til greina þegar ég fór að skoða og velja mér nýtt rúm. Ég fékk nýtt rúm fyrir u.þ.b. tveimur árum og þá skipti ég yfir í dýnu sem heitir Saga og ég elska! Rúmið mitt heima er 160cm en fyrst ég þarf að kaupa mér nýtt ætla ég að fá mér 180cm dýnu. Ég er með svartan leðurbotn en sá núna dökkgráan botn úr einhverskonar efni sem ég ætla að velja núna. Rúmið kemur um miðja næstu viku og get ég þá vonandi gist fyrstu nóttina á nýja heimilinu.

Mig hefur lengi langað í fallegan rúmgafl og þar sem það passar svo vel í svefnherbergið og rúmið verður uppvið vegg fór ég að skoða rúmgafla líka. Það er mikið úrval af göflum í Svefn&heilsu en gaflarnir í sama gráa lit og efni og botninn ég sem valdi mér finnst mér æðislegir. Ég held ég sé ákveðin í þessum hægra megin!


Spennt flutningakona kveður í bili xx Ef þið viljið fylgjast með “í beinni” þá er ég að deila flestum mínum heimilispælingum og framkvæmdum í story á instagram og snapchat @birgittalif

xx

Birgitta Líf
instagram & snapchat: birgittalif

Nýja heima

HeimiliðLífið

Þetta var að gerast! Í gær varð ég stoltur eigandi af draumaíbúðinni minni.

Þetta gerðist allt frekar hratt en ég hef hugsað um þessa íbúð í marga mánuði – og staðsetninguna í mörg ár. Sumt er meant to be  og ég held að það sé svoleiðis með mig og þessa íbúð.

Ég hlakka ótrúlega mikið til að gera hana fína í rólegheitum en ég er algjörlega að byrja á núlli þar sem þetta er mín fyrsta íbúð. Ég mun að sjálfsögðu leyfa ykkur að fylgjast með og deila myndum og ferlinu bæði hér og á mínum samfélagsmiðlum @birgittalif en ég læt þessar myndir duga í bili.

xx

Birgitta Líf
instagram & snapchat: birgittalif

Fullir Vasar ævintýrið

Lífið

Aldrei hefði mér dottið í hug að ég yrði framkvæmdarstjóri á kvikmynd en hér er ég að forsýna eitt stykki! Svona er lífið og hérna er hún: Fullir Vasar

Svona var textinn við þessa mynd sem ég birti á instagram á fimmtudaginn og þetta eru sko orð að sönnu.

Ég fékk boð síðasta sumar um að vinna við bíómyndina sem átti að taka upp um haustið. Þetta svið er ólíkt öllu því sem ég hef unnið við en vinnan sjálf sem mér var ætluð var í rauninni ekkert svo ólík því sem ég geri dagsdaglega sem samfélagsmiðlastjóri hjá stóru fyrirtæki, með mína eigin miðla og síðan hef ég reynslu af framkvæmdastjórn Ungfrú Ísland. Ég áttaði mig ekki alveg strax á hvers vegna strákarnir vildu fá mig í þetta verk en ákvað samt sem áður að slá til þar sem þetta hljómaði sem virkilega skemmtilegt tækifæri. Boltinn fór að rúlla og í september vorum við mætt á sett þar sem tekin var upp heil bíómynd á einum mánuði! Dagarnir gátu því verið langir og strangir en allir mjög skemmtilegir og fjölbreyttir.

Ég þekkti þá Nökkva, Egil og Aron Má úr Verzló og hef unnið mikið með Nökkva og Agli en Hjálmari kynntist ég við gerð bíómyndarinnar. Þeir eru allir sem einn toppeintök, algjör yndi og það var aldrei leiðinlegt að vinna í kringum þá – og Anton Ingi leikstjóri, framleiðendurnir og allt crewið voru alveg meiriháttar.

Hér eru nokkrar myndir frá ferlinu:

Fullir Vasar var síðan forsýnd fimmtudaginn 18. febrúar s.l. og var Smárabíó fullt útúr dyrum. Það er virkilega gaman að sjá eitthvað sem maður hefur unnið að verða að veruleika og fylltist ég miklu stolti þegar ég sat í bíósalnum, myndin var að hefjast og ég sá nafnið mitt stórum stöfum í upphafi kvikmyndar.

Forsýning Fullra Vasa í Ísland í dag: http://www.visir.is/section/MEDIA99&katid=57

Myndin hefur strax fengið mjög góðar viðtökur en hún er frumsýnd núna á föstudaginn, 23. febrúar.

Þetta verkefni var ótrúlega óvænt og skemmtilegt og ég er mjög þakklát að hafa sagt já við að taka þátt í því!

ALLIR Í BÍÓ

xx

Birgitta Líf
instagram & snapchat: birgittalif

RVKfit Training Event

ÆfingarNikeRVKfitWorld Class

LOKSINS! Við stelpurnar í RVKfit höfum síðustu vikur verið að undirbúa stóran viðburð í samstarfi með ótrúlega flottum fyrirtækjum sem ég er búin að bíða spennt eftir að geta deilt með ykkur.

Okkur hefur lengi langað að gera meira úr RVKfit “conceptinu” heldur en bara snapchat þar sem við erum alltaf bakvið skjáinn. Við höfum fundið fyrir miklum áhuga á að æfa með okkur og erum við alveg jafn spenntar fyrir því. Úr varð að við ætlum að halda tveggja klukkustunda Training Event þar sem við hitum upp saman, spjöllum og fáum okkur preworkout, tökum góða æfingu, borðum að henni lokinni, tökum myndir og höfum gaman. Allir fá ótrúlega flotta gjafapoka, salurinn verður hinn allra glæsilegasti og stemningin verður í hámarki! 

Komdu og æfðu með okkur: 18. febrúar kl. 12-14 World Class Kringlunni

RVKfit Training Event í samstarfi við Nike, World Class, NOW, Origo og Joe & the juice verður haldið sunnudaginn 18. febrúar í World Class Kringlunni (gengið er inn á neðri hæð hússins).

Viðburðurinn hefst klukkan 12 þar sem í boði verður pre workout frá NOW. Allir þátttakendur fá veglega gjafapoka og verða að auki dregnir út vinningar frá Nike, World Class, NOW, Origo og Joe & the Juice.

DJ JAY-O heldur uppi stemningunni á æfingunni og verða samlokur og djúsar frá Joe & the Juice í boði eftir hana.

Verð í forsölu er 3.900 kr. og verð við hurð er 4.900 kr. (takmarkað magn miða er í boði).

Aldurstakmark er 15 ára.

Skráningin er hafin á www.worldclass.is – Ég hlakka svo ótrúlega mikið til að æfa og eiga skemmtilegan dag með ykkur!

xx

Birgitta Líf
instagram & snapchat: birgittalif

Fögnuður

Lífið

Á laugardagskvöldið hélt ég smá afmælispartý – eða það sem ég kýs að kalla fögnuð þar sem ég átti víst afmæli í október. Ég var stödd úti í Kína þegar ég varð 25 ára og ætlaði alltaf að halda uppá það eftir að ég kæmi heim en svo gafst einhvernveginn aldrei tími. Það endaði þessvegna með því að ég hélt uppá afmælið mitt rúmum þremur mánuðum seinna, en það er svosem allt í lagi og alltaf tilefni til að fagna með fólkinu í kringum sig!

Partýið heppnaðist ekkert smá vel og ég skemmti mér konunglega xx Ég hélt uppá þetta á Joe & the juice í Laugum og fékk nokkra aðila með mér í lið til að gera veisluna sem allra glæsilegasta.

Ég er svo heppin með fólkið í kringum mig! Bestu vinkonur mínar þær Jórunn og Telma Rut eiga eitt stykki stórt hrós skilið hér fyrir að hafa hjálpað mér með allan undirbúninginn bæði við að skipuleggja og svo voru þær með mér allan daginn fram á kvöld að skreyta og stússast í kringum þetta ♡ Ég á síðan nokkra yndislega vini sem hjálpuðu við að gera þetta partý að PARTÝ og græjuðu allt tengt tónlist, hljóðkerfi og þess háttar en Snorri Ástráðs dj-aði og hélt partýinu gangandi og síðan spiluðu þeir Floni og Birnir.

Cupcake Café voru svo yndisleg að gera sætar litlar cupcakes sem voru ótrúlega ljúffengar enda voru þær ekki lengi að klárast! Ég mæli með að kíkja þangað í kaffi ef þið eigið það eftir – cupcakes og avocado toast er fullkomin blanda ef þið spyrjið mig.

Ég fyllti salinn af blöðrum frá Partývörum (www.partyvorur.is) og settu stóru blöðrurnar með ljósunum punktinn yfir i-ið sem komu ekkert smá vel út.

Moët, Gull, Gin&Greip voru svo í fyrirrúmi þegar kom að fljótandi veigum – en litlu Moët flöskurnar með gullstútunum slógu í gegn einsog alltaf.

Ég er ótrúlega ánægð og þakklát með þetta allt saman – TAKK fyrir mig!

Hér eru myndir frá kvöldinu úr öllum áttum (já Telma tók það á sig að taka selfie með öllum hahah)

Ps. Story-ið frá kvöldinu er í “highlights” á instagramminu mínu fyrir áhugasama.

xx

Birgitta Líf
instagram & snapchat: birgittalif

H&M Conscious Sport

LífiðTíska

Lífið er langhlaup

In it for the long run

xx

Í byrjun árs fékk ég skemmtilegt símtal að utan þar sem mér var boðið að taka þátt í spennandi verkefni. Verkefnið snýst um að kynna nýjustu íþróttalínu H&M á samfélagsmiðlum – H&M Conscious Sport – en þar koma saman sjálfbærni, umhverfisvæn framleiðsla og innihaldsefni í bland við stíl og hágæða hönnun. Aðal innblástur línunnar eru náttúran og sterkar, sjálfstæðar konur. Línan er núþegar komin í sölu um allan heim og er fáanleg í verslunum H&M á Íslandi, í Smáralind og Kringlunni.

Ég er búin að posta nokkrum myndum úr verkefninu á instagram en með mér í liði var ljósmyndarinn og snillingurinn hún Saga Sig ♡ Við höfðum íslensku náttúruna að leiðarljósi í tökunni og var veðrið á tökudeginum stórkostlegt, ískalt en bjart og fallegt – ekta íslenskur vetur! Ég er ótrúlega ánægð með útkomuna á öllum myndunum enda ekki annað hægt þegar Saga á í hlut, en eftir myndatökuna úti færðum við okkur inn í Svarta Boxið í World Class Kringlunni og smelltum nokkrum meira sporty myndum.

xx

xx

xx

xx

xx

xx


Um línuna

Conscious Sport línan er einsog áður sagði öll úr endurunnum efnum og framleidd á sjálfbæran máta. Þetta er í fyrsta skipti sem H&M gerir Conscious íþróttalínu í heild sinni. Slagorð línunnar er “Lífið er langhlaup” og vísar það bæði til til mikilvægi þess að sjá hreyfingu og heilbrigt líferni sem langhlaup og langvarandi stefnu og einnig að náttúrunni; að hráefni ættu alls ekki að vera einnota og með sjálfbærni getum við lengt líftíma textílefna og þannig stuðlað að heilbrigðari jörð og lengt líftíma hennar. Allar flíkurnar eru búnar til úr endurunnu pólýester og teygjuefni.

Línan samanstendur af æfingabuxum, nokkrum týpum af íþróttatoppum með mismunandi stuðning, ermalausum toppum og léttum hettupeysum. Flíkurnar henta alhliða hreyfingu og vísar útlit línunnar til náttúrunnar og fallegu litapallettunnar sem sjá má í landslaginu; dökkgrænn, svartur, beislitaður og fölbleikur eru nokkrir af þeim jarðartónum sem bregður fyrir í línunni. Praktískir eiginleikar flíkanna eru að þær eru m.a. quick-dry, án saums sem eykur þægindi, aðsniðið form á buxunum veitir stuðning og loftgöt aðstoða við að lofta og halda líkamshitanum stöðugum.

Conscious Sport línan er hluti af þróunarferli H&M sem felur í sér að ná 100% sjálfbærni í einu og öllu. Aðalmarkmið H&M er að “loka hringnum” svo gamlar flíkur og textílefni geti verið endurnýtt og endurunnin í nýjar flíkur. Þannig stuðlar H&M að jákvæðri framþróun á umhverfismálum.

Hér má sjá myndir af flíkunum ásamt markaðsmyndum.

Kynningarmyndband fyrir línuna má finn hér – en það ásamt markaðsmyndunum var tekið upp í Skotlandi.


xx

Birgitta Líf
instagram & snapchat: birgittalif

Hér með þér

DansLífið

 

Lagið Hér með þér er framlag Áttunnar í Söngvakeppni Sjónvarpsins í ár. Ég fékk að taka þátt í þessu skemmtilega verkefni með þeim með því að dansa í tónlistarmyndbandinu við lagið sem er hér að ofan með Telmu minni. Myndbandið er að mínu mati mjög vel heppnað og skemmtilega öðruvísi en það byggir á myndbandinu First kiss

Mig langaði að deila með ykkur nokkrum BTS myndum frá tökunum xx

Lagið

Flytjendur: Egill Ploder Ottósson og Sonja Valdin
Höfundar: Egill Ploder Ottósson & Nökkvi Fjalar Orrason
Produsering og útfærsla: Arnar Ingason (Young Nazareth) & Sigurbjartur Sturla Atlason
Texti: Egill Ploder Ottósson, Nökkvi Fjalar Orrason og Sigurbjartur Sturla Atlason
Mix: Sæþór Kristjánsson (StopWaitGo)
Master: Friðfinnur “Oculus” Sigurðsson
Bakraddir á hljóðupptöku: Ásgeir Orri Ásgeirsson, Aron Brink & Hrafnhildur Magnea Ingólfsdóttir

Myndband

Leikstjóri: Nökkvi Fjalar Orrason
Kvikmyndataka: Dagur de’Medici Ólafsson
Aðstoðartökumaður: Jóhannes Axel Ólafsson
Klipping: Orri Einarsson og Ingi Þór Bauer
Eftirvinnsla: Orri Einarsson og Ingi Þór Bauer

Framleitt af Áttunni

Áttan tekur þátt í undanúrslitum þann 17. febrúar og hlakka ég mikið til að sjá þau stíga á svið.

Takk fyrir mig Áttan – alltaf jafn gaman!

xx

Birgitta Líf
instagram & snapchat: birgittalif

Nýtt ár: Hvað er í boði?

ÆfingarDansHeilsaRVKfitWorld Class

Hvort sem fólk strengir áramótaheit, setur sér ný markmið eða er bara að halda áfram í rútínu frá fyrra ári þá eru áramótin einhvernveginn alltaf ákveðin tímamót.

Ég æfi allan ársins hring og er það fastur liður í minni rútínu og ekki einhver kvöð eða neitt sem mér finnst ég “þurfa” að gera heldur er það eðlilegur partur af mínu daglega lífi. Einsog ég hef margoft sagt hér inná þá er það að æfa fyrir mér alveg jafn mikið fyrir andlegu vellíðanina eins og líkamlegan ávinning. Þegar maður ræktar líkama og sál hefur það áhrif á alla aðra þætti lífsins enda góð heilsa undirstaða þess. Þegar kemur að áramótum og nýju ári er ég ekki endilega að breyta miklu hjá mér en þetta verður samt alltaf tími þar sem ég sest niður og skipulegg komandi tíma og eru æfingar hluti af því.

Það eru margir ýmist að byrja á núllpúnkti, koma sér aftur af stað eða að halda áfram en sama á hvaða stað þú ert þá er fjöldinn allur af mismunandi formi æfinga í boði og ættu allir að geta fundið eitthvað sem hentar. Það þarf líka oft að prófa marga ólíka hluti áður en maður dettur inná það sem hentar manni sjálfum og því um að gera að vera opinn fyrir að prófa nýja hluti og ögra sjálfum sér svolítið. Persónulega er ég mjög dugleg að breyta til þegar kemur að æfingum – þetta er bæði vegna þess að mér finnst gaman að prófa ólíka hluti og er spennt fyrir mörgu en þetta er líka það sem heldur mér við efnið þegar kemur að æfingum og heilbrigðum lífsstíl. Að festast ekki í einhverju einu heldur koma líkamanum á óvart og bæta þannig árangurinn. Núna í vikunni er ég til dæmis að byrja í þjálfun hjá Indíönu Nönnu sem ég hef verið mjög spennt fyrir og hlakka til að prófa eitthvað nýtt.

Þar sem ég hef verið dugleg að prófa mig áfram í æfingum síðustu ár er ég komin með góða reynslu af ýmsum kostum þegar kemur að æfingum og þjálfun. Mig langaði að fara yfir nokkra kosti sem eru í boði og vona að það geti nýst einhverjum sem eru óvissir hvað skuli gera í ræktinni á nýju ári!


MGT – MGT, eða Metcon Group Training, er nafnið á hópþjálfun hjá Birki Vagni í Laugum. Fyrir utan að vera enn hjá honum í MGT alla föstudagsmorgna með “Föstudagshópnum” mínum þá tók ég nóvember og desember all in hjá honum. Hver einasta æfing er hörkuæfing og maður kemst ekki upp með að slaka mikið á hjá Birki. Þrátt fyrir að vera auðvitað fyrir alla myndi ég mæla með MGT fyrir þá sem eru frekar vanir að æfa.

Mark Johnson – Mark er einkaþjálfari í World Class Kringlunni. Mark er fyrrum stangastökkvari og frjálsíþróttamaður frá Bandaríkjunum og skín reynslan og fagmennskan í gegn í æfingunum hjá honum. Ég hef aldrei náð eins miklum árangri og hjá honum hvað styrk og tækni varðar. Ég byrjaði hjá honum ein fyrir rúmu ári og með tímanum fóru vinkonur mínar að mæta með. Við stelpurnar í RVKfit vorum síðan allar saman í þjálfun hjá honum í sumar sem var ótrúlega gaman. Vegna vinnu og skóla datt ég aðeins útúr þjálfun hjá honum í haust en er að byrja aftur núna í vikunni. Ég verð hjá Mark 1x í viku samhliða þjálfuninni hjá Indí en hjá honum er ég mest að einblína á tæknilegar æfingar.

Hilmar Björn – Hilmar Björn, eða Bjössi, er einkaþjálfari í World Class Laugum sem ég var í þjálfun hjá í um tvö ár ásamt RVKfit stelpunum – en í þeirri þjálfun varð RVKfit snappið einmitt til þar sem við vinkonurnar vorum alltaf að æfa saman! Bjössi er með ótrúlega mikið af skemmtilegum jafnvægis- og bodyweigth æfingum og vinnur mikið með BOSU bolta, æfingabolta, teygjur, TRX-bönd og fleira í bland við tækin og get ég ekki annað en mælt með honum!

Indíana Nanna – Indíana hefur verið vinsæll Tabata kennari hjá World Class og er núna að byrja á fullu með hópþjálfun í World Class Kringlunni og í Laugum. Ég hef fengið að mæta nokkrum sinnum til hennar í þjálfun og er núna í vikunni að byrja hjá henni 3x í viku með vinkonum mínum og er ekkert smá spennt! Indí er mjög fagleg í því sem hún gerir og byggir æfingarnar sínar skipulega upp og pælir í tækninni. Hópþjálfunin hjá henni er 3x í viku og svo gefur hún okkur einnig eina aukaæfingu til að gera um helgi. Þjálfunin byrjar núna á þriðjudaginn og ég HELD að það séu nokkur pláss enn laus en hægt er að hafa samband við hana í gegnum instagram @indianajohanns.

Hlaupaprógram – Indí býður einnig uppá mánaðarhlaupaplan þar sem hvert hlaup er skipulega sett upp og planinu fylgja ýmsar leiðbeiningar og “tips” fyrir hlaup. Planið er tilvalið til að koma sér af stað í hlaupum eða til að taka samhliða almennum æfingum. Ég hef sjálf ekki gert planið en það sem ég hef heyrt og séð af á instagram lofar virkilega góðu! Ég er vön hlaupum en hef ekki verið að hlaupa steady í vetur. Núna ætla ég að fylgja prógraminu hennar samhliða þjálfuninni og hlakka til að deila með ykkur á mínum samfélagsmiðlum hvernig gengur. Það er hægt að senda henni skilaboð á instagram til að kaupa planið.

WorldFit – WorldFit er mánaðarnámskeið þar sem kennt er 3x í viku. WorldFit er kennt í stóra “free training” salnum í Kringlunni, Svarta Boxinu, en þar finnst mér skemmtilegast að æfa. Í WorldFit eru æfingarnar mjög tæknilegar en erfiðleikastigið aðlagað að hverjum og einum – meira hér: https://www.worldclass.is/namskeid/styrkur/worldfit/

Opnir tímar – Framboðið af opnum tímum er ótrúlegt. Persónulega finnst mér opnir tímar ótrúlega góð lausn þegar kemur að æfingum og er ekkert smá hvetjandi að nota skráningarkerfið á heimasíðu World Class til að skipuleggja æfingavikuna. Þegar maður er búinn að skrá sig er muuun líklegra að maður sé að fara að mæta! Það eru ekki allir sem hafa tíma til að vera í einkaþjálfun eða hentar þeim ekki að vera í ákveðinni þjálfun aukalega en inni í æfingakortinu fylgir aðgangur að öllum opnum tímum á stundaskrá og því tilvalið að nýta sér það sem í boði er. Þarna kynnist maður ólíkum æfingakerfum og þjálfurum og því um að gera að prófa sig áfram með tíma – það er líka mjög gaman að æfa í hóp. Þeir tímar sem ég fýla og mæti mest í eru; tabata, hot yoga, body toning (í heitum sal), buttlift og svo fer ég einstaka sinnum í spinning.
Telma Rut vinkona var að byrja að kenna buttlift í Laugum og Ingibjörg Thelma vinkona kennir Coach by Color (spinning) í Smáralindinni en þær eru báðar á mán- og miðvikudögum. Ég mæli að sjálfsögðu með því að kíkja til þeirra!

Úrval opinna tíma í World Class má sjá hér: https://www.worldclass.is/timatafla/

SWEAT with Kayla – SWEAT with Kayla er æfingaprógram í formi símaapps sem ég fylgdi fyrir um þremur árum þegar ég var ekki í ákveðinni þjálfun. Æfingarnar eru stuttar og hnitmiðaðar og fýlaði ég þær vel. Appið kostar, ég er ekki alveg klár á hversu mikið núna, en fyrir þá sem eru að leita af æfingaprógrami til að fylgja sjálfir í ræktinni er SWEAT fínn kostur.

Dansstúdíó World Class – Þar sem ég elska að dansa og hef æft dans síðan ég var þriggja ára get ég ekki annað en skotið dansnámi hér inní. Fyrir mér er það að fara á dansæfingu ekki einsog að fara í “ræktina” heldur eintóm skemmtun þar sem það að svitna og taka vel á því er bara bónus! Það sem ég elska líka við dansæfingar er hversu fjölbreytt hreyfingin er en ég finn einna helst fyrir því þar sem ég fæ harðsperrur á skrítnustu stöðum eftir dansæfingar. Fyrir þá sem eru kannski ekki all in í dansi en langar að dansa, svitna og skemmta sér eru 20+ tímarnir í Laugum mjög góður kostur en þeir eru dans- og tæknilega séð ekki eins erfiðir og venjulega dansnámið heldur hugsaðir fyrir þær sem t.d. æfðu dans sem krakkar og langar að dansa aftur. Æfingakort í World Class er innifalið í dansnáminu hjá DWC og því tilvalið að slá tvær flugur í einu höggi.

Ég er alltaf að dansa inn á milli og tek enn þátt í ýmsum verkefnum tengd dansinum þrátt fyrir að vera ekki ennþá eins all in og ég var á menntaskólaárunum – þar sem ég dansaði í Nemóleikritunum og nánast öllu sem ég gat dansað í í Verzló! Eitt af markmiðunum mínum þetta ár er að vera duglegri að mæta á dansæfingar og taka fleiri dansverkefni að mér þar sem mér finnst það alltaf jafn gaman. 


Það er fjöldinn allur af öðrum þjálfunum, tímum o.s.frv. í boði en mig langaði að segja ykkur frá því sem ég sjálf hef reynslu af og get mælt með xx

Mottó 2018? Just do it!

 

xx

Birgitta Líf
instagram & snapchat: birgittalif