Birgitta Líf

Dumlefylltar cupcakes með Tyrkisk Peber súkkulaðikremi

HeimiliðUppskriftir

Já þið lásuð rétt og já þær eru jafn góðar og þær hljóma!

Ég fékk á dögunum skemmtilegt verkefni í samstarfi við Fazer sem gekk útá það að nota Dumle og Tyrkisk Peber í bakstur. Eins og þið vitið eflaust þá elska ég að baka og þurfti því ekki að hugsa mig tvisvar um að taka þátt í þessu verkefni. Það kom líka á afar hentugum tíma þar sem ég átti eftir að vígja fallegu hrærivélina mína í nýju íbúðinni!

Ég rak augun í þessa koparlituðu Kitchen Aid vél í Byggt og búið í Kringlunni um daginn en ég hafði einungis séð svona koparútgáfu erlendis og vissi ekki að þær fengjust hér heima. Það er kannski ekki í forgangi hjá öllum að eignast Kitchen Aid þegar maður flytur að heiman en fyrir manneskju einsog mig sem notar hrærivél mjög mikið og baka oft þá varð ég að eignast eitt stykki. Þessi koparlitaða kallaði á mig í búðinni og var mamma síðan svo yndisleg að gefa mér hana í innflutningsgjöf xx

Ég deildi uppskrift hér inná af Lakkrísbombunni minni í haust og var það mest lesna færslan mín á síðasta ári – ég ætla því að sjálfsöguðu að deila þessari með ykkur líka. Í þeirri færslu talaði ég um leynihráefnið í botnunum mínum og hvernig ég nota tilbúið kökumix í botninn en geri kremin frá grunni. Baksturinn heppnaðist mjög vel en eftir smá brainstorm um hvernig ég ætti að nota hráefnin ákvað ég að gera bollakökur með Dumlefyllingu og nota Tyrkisk Peper útí kremið og ofaná sem skraut. Mæli með!

Botninn

1 pk Betty Crocker súkkulaðikökumix
1 pk súkkulaðibúðingur 
3 egg
Olía skv. leiðbeiningum á BC
Vatn skv. leiðbeiningum á BC
Dumle karamellur

Kökumixið og búðingurinn sett í skál og eggjum, olíu og vatni hrært við skv. leiðbeiningum á Betty Crocker pakkanum. Ég byrjaði á að setja smá deig í öll formin, setti svo Dumle karamellur í miðjuna og hellti svo deigi aftur yfir. Bakað á 180 gráðum í u.þ.b. 20 mín.

Kremið

250 g mjúkt smjör
2 egg
4 tsk vanilludropar
4 msk þykkt sýróp
4 msk bökunarkakó
700-900 g flórsykur
1 poki (eða eftir smekk) mulinn Tyrkisk Peber

Smjör, egg, vanilludropar og sýróp hrært létt saman. Hér er lykilatriði að smjörið sé vel mjúkt – það er oft gott að byrja á að hræra það sér til að mýkja upp. Bökunarkakó bætt útí og flórsykrinum er svo blandað smátt og smátt rólega saman við þangað til kremið fær þá áferð og þykkt sem þið viljið. Ég muldi brjóstsykrana niður í fínt duft (t.d. hægt að nota Nutribullet eða matvinnsluvél). Tyrkisk Peber duftinu er að lokum bætt útí eftir smekk.

Þegar kemur að kreminu skiptir að mínu mati mestu máli að vera þolinmóður og “dúlla” sér við að blanda það. Blanda fyrstu blönduna vel en rólega saman og setja flórsykurinn í litlum pörtum útí. Ég var örugglega í næstum hálftíma að blanda kremið þar til það náði þeirri áferð sem ég vildi en ég stillti hrærivélina aldrei á meiri hraða en 4-6. Ég nota “hrærarann” á KitchenAid vélina þegar ég blanda kremið. Ég muldi síðan Tyrkisk Peber gróft og setti ofaná.

xx

Ég vona að njótið vel og ykkur er alltaf velkomið að senda mér skilaboð á instagram ef þið hafið spurningar. Það væri gaman að fá að fylgjast með ef þið prófið!

xx

Birgitta Líf
instagram & snapchat: birgittalif

Skálað í miðri viku

Lífið

Það er alltaf jafn skemmtilegt (og nauðsynlegt) að gera sér glaðan dag og brjóta aðeins vikuna upp.

Við vinkonurnar fengum dásamlegt boð frá Apotek Kitchen + Bar, sem er einn af mínum uppáhalds stöðum, um að koma í smárétti og kokteila hjá þeim á miðvikudagskvöldið s.l.

Að hitta stelpurnar, skála í góða kokteila og borða góðan mat er svo sannarlega uppskrift að góðu kvöldi og sátum við stelpurnar á Apotek til að verða miðnættis. Það þarf ekki alltaf að vera laugardagur til að hittast og eiga góða kvöldstund.

Við fórum fjórar saman en kvöldið byrjaði á því að okkur var boðið uppá einn vinsælasta kokteilinn þeirra, Dillagin, sem var borinn fram á skemmtilegan hátt í könnu. Apotek er þekkt fyrir góða drykki og mat og er smáréttaseðillinn virkilega góður – ég átti mjög erfitt með að velja á milli. Ég fór í hádegismat á Apotek um daginn og fékk mér þá Önd&vöfflu sem ég get vel mælt með. Stelpurnar pöntuðu sér það allar en ég ákvað að velja mér aðra rétti í þetta skiptið þar sem mig langaði að prófa fleiri rétti. Það sem stóð uppúr var án efa túnfiskurinn sem kom með avókadó og melónum. Ég fæ vatn í munninn við að hugsa um það. Að auki fékk ég mér rétt sem heitir Íslenskt landslag, eða lambatartar, og djúpsteiktan smokkfisk. Ég myndi klárlega fá mér alla þessa rétti aftur! Að lokum kom síðan desertbakki á borðið til okkar sem við slógum hendinni að sjálfsögðu ekki á móti. Eftirréttirnir á Apotek eru eitthvað annað…

Að gera sér glaðan dag og skella sér á Apotek Kitchen + Bar er eitthvað sem ég mæli með – hvort sem það er bara í drykki eða nokkra smárétti með xx

Takk kærlega fyrir okkur Apotek.

xx

Birgitta Líf
instagram & snapchat: birgittalif

Fyrsta vikan

HeimiliðLífiðWorld Class

Ég sagði ykkur frá því um daginn að það væri margt nýtt og spennandi framundan hjá mér en eitt af því er ný vinna!

Á mánudaginn tók ég við sem stöðvarstjóri í World Class í Hafnarfirði. Ég viðurkenni að það hafa verið mikil viðbrigði að “mæta” í vinnuna snemma á morgnana alla vikuna en þrátt fyrir að hafa alltaf verið að vinna síðustu ár með skólanum þá hefur það mestmegnis verið í verkefnum og öðru sem ég hef unnið að heiman. Ég hef síðan síðustu fimm sumur verið að fljúga hjá Icelandair en mun ekki gera það núna í sumar. Þegar þessi stöðvarstjóra staða kom upp þurfti ég ekki að hugsa mig tvisvar um og er ég ótrúlega spennt fyrir þessu nýja starfi. Ég held samt að sjálfsögðu áfram að vinna í öðrum verkefnum með auk bloggsins og minna miðla. Það er alltaf nóg að gera!

En fyrstu vikunni í nýrri vinnu er ekki einungis að ljúka heldur er í dag akkúrat vika síðan ég flutti (loksins) inn í íbúðina mína. Ég hef lítið verið heima í vikunni sökum anna en VÁ hvað ég er búin að sofa vel og ég finn strax hvað mér líður vel þarna. En það er efni í aðra færslu og mun ég deila meira af flutningunum og breytingunum heima með ykkur á næstu dögum ♡

xx

Birgitta Líf
instagram & snapchat: birgittalif

66° í austurrísku Ölpunum

66° NORTHLífiðTíska

Ég er á leið heim frá Austurríki þar sem ég fór í fimm daga brettaferð. Ég kem alltaf jafn endurnærð úr skíðafríum en það er svo dásamlegt að gleyma öllum áhyggjum og renna sér niður brekkurnar, borða góðan mat, slaka á í spa og sofa vel. Toppdagar að baki!

Ég hef verið á skíðum/snjóbretti síðan ég man eftir mér og höfum við fjölskyldan verið dugleg að fara í skíðaferðir í gegnum árin. Það er alveg eins með skíðagallann og önnur föt, það er alltaf jafn gaman að fá sér nýtt dress. Núna eru nokkur ár síðan ég fór síðast í brettaferð og fannst mér því tími til að fá mér nýtt dress. Ég fór í 66° Norður áður en ég fór út og fékk að velja mér jakka.

Ég valdi mér Hólar anorakkinn en hann er vatnsfráhrindandi og mjög léttur en hlýr svo hann hentar vel í brekkurnar. Ég átti erfitt með að velja lit en jakkinn kemur bæði í dökkbláu og appelsínugulu. Ég setti upp kosningu á instagram en endaði á að velja mér þann dökkbláa. Mér finnst appelsínuguli jakkinn líka ótrúlega flottur en þar sem ég sé fyrir mér að nota jakkann einnig hversdags fannst mér dökkblái praktískari kostur.

Ég held að ég hafi verið í 66° frá nánast toppi til táar alla ferðina. 66° föðurlandið var að sjálfsögðu staðalbúnaður en síðan var ég í peysunni Bylur innanundir jakkanum þar sem hún er mjög hlý og nær upp í háls. Hvíta Jökla úlpan var síðan fullkomin í bæjarröltið í kuldanum.

Hólar anorakkinn fær toppeinkunn frá mér hvort sem er hversdags eða á skíðin! Mér varð aldrei kalt og síðan var þægilegt að geta rennt aðeins niður þegar sólin skein. Takk fyrir mig 66° Norður! xx

xx

Birgitta Líf

instagram & snapchat: birgittalif

Collagen heilsudrykkur – uppskrift

HeilsaUppskriftir

Það er alltaf gott að skella í grænan, ferskan og ofurhollan smoothie en Heilsudrykkur Dísu – sem er á matseðlinum í Laugar Café – er einn af mínum uppáhalds.

Drykkinn er bæði hægt að gera sjálfur heima eða grípa með sér í Laugum, t.d. eftir æfingu.

Við mamma pöntuðum okkur þennan drykk oft og smökkuðum til en hann fór síðan á matseðilinn undir nafninu Heilsudrykkur Dísu!

Heilsudrykkur Dísu

Spínat

Mangó

Kreist epli

Engifer

Sellerí

Spirulina duft

Feel Iceland; Amino Collagen


Magn/hlutföll fer eftir smekk en spirulina duftinu og Amino Collagen próteininu er bætt við í lokin og hrært létt saman við. En hvað er spirulina og Amino Collagen?

Spirulina: Spirulina er blá-grænþörungur sem er ein næringarmesta fæða sem völ er á. Spirulina hjálpar til við að vernda ónæmiskerfið, hjálpar við upptöku steinefna, jafnar matarlyst og hefur hreinsandi áhrif a líkamann.

Amino Collagen: Amino Collagenduftið frá Feel Iceland er 100% íslenskt fæðubótarefni unnið úr fiskiroði. Duftið hjálpar við kollagenframleiðslu líkamans sem eykur teygjanleika og fegurð húðarinnar og styrkir liðina. Ég hef notað duftið í okkur ár en því er hægt að blanda útí nánast hvað sem er. Mér finnst best að bæta því útí smoothie eða hafragraut einsog ég hef skrifað um hér áður – en það er nánast bragðlaust.

Feel Iceland Amino Marine Collagen er m.a. selt í Laugar Café en alla vörulínuna er núna hægt að kaupa í Hagkaup – meira hér. Vöruna fékk ég að gjöf. 

Njótið vel!

xx

Birgitta Líf

instagram & snapchat: birgittalif

Bestu trixin til að fá heilbrigt og ferskt útlit

Laugar SpaSnyrtivörurÚtlit

Okkur vinkonunum bauðst að koma í persónulega ráðgjöf um húðumhirðu hjá Önnu Maríu, snyrtifræðingi, í Laugar Spa. Við kíktum til hennar í gær og áttum ljúfa kvöldstund þar sem við lærðum fullt af skemmtilegum trixum og ráðum í tengslum við almenna húðumhirðu og extra dekur.

Anna María er stútfull af fróðleik og ráðum þegar kemur að þessum málum enda búin að stúdera húðvörur útí eitt en hún er hönnuðurinn á bakvið Laugar Spa línuna ásamt mömmu.

Anna María býður uppá persónulega ráðgjöf í Laugum næsta laugardag þar sem er frítt inn OG allir sem skrá sig og mæta fá síðan 20% afslátt af öllum Laugar Spa FACE, BODY & HOME vörunum – mæli með! xx

Skráning fer fram á laugarspa@laugarspa.is

xx

Birgitta Líf
instagram & snapchat: birgittalif

Nýja heima: Ýmsar hugleiðingar

HeimiliðLífið

Eftir að ég deildi því með ykkur að ég hefði verið að festa kaup á minni fyrstu íbúð hef ég fengið ótrúlega mikið af skilaboðum þar sem þið eruð spennt að fá að fylgjast með þegar ég kem mér fyrir.

Mér finnst gaman að finna fyrir þessum áhuga þar sem ég er sjálf svo ótrúlega spennt fyrir þessu öllu enda alveg að byrja á byrjun að búa. Það er margt sem þarf að huga að – ég á ekki einusinni rúm! Mig dreymir um ýmsa fallega hluti, húsgögn og muni en það þarf allt að koma með tímanum enda ekki ókeypis að kaupa sér íbúð eða hluti í búið – ég er að reyna að sigta út hverju ég byrja á og hvað bíður betri tíma.

Ég er ekki að stressa mig að flytja þar sem mamma og pabbi vilja helst ekkert að ég flytji að heiman, haha, þannig að ég vil frekar koma mér vel fyrir í rólegheitum. Ég er að byrja á að kaupa mér helstu hlutina; rúm, sófa, borðstofuborð og stóla – en svo er auðvitað margt sem mig langar í og fær að bætast við með tímanum.

Ég hef verið dugleg að deila á snapchat & instagram þegar ég er að skoða og velta fyrir mér hlutum í tengslum við íbúðina en langaði að setja smá update hingað líka. Persónulega finnst mér sjálfri svo gaman að fylgjast með svona hjá öðrum þannig mér datt í hug að gefa aðeins ítarlegri update hér heldur en ég deili í story!


Það sem ég var alveg ákveðin í er að mála alla íbúðina. Heima er herbergið mitt allt málað í dökkum grábrúnum lit sem Rut Kára valdi – bæði veggirnir og loftið. Ég var frekar smeik við að hafa loftið líka litað en núna get ég ekki ímyndað mér annað! Það verður svo fallegt flæði og þessvegna var ég alveg viss um að það fyrsta sem yrði gert væri að mála allt.

Ég fór í Slippfélagið og skoðaði nokkra liti og fékk síðan fullt af prufum með mér heim. Ég dundaði mér svo einn daginn við að mála þessar litaprufur á veggina. Ég deildi þessu öllu í instagram story og setti upp könnun um litina sem yfir 2.000 manns tóku þátt í – ég fékk líka í kjölfarið fullt af skilaboðum frá ýmsum aðilum með skoðunum á litum og einnig myndum af þessum litum á þeirra heimilum sem ég hafði mjög gaman að og hjálpaði mér við valið. Eftir mikla umhugsun hef ég ákveðið að mála alrýmið í litnum Sandur, bæði veggi og loft, og síðan svefnherbergið og ganginn í litnum Hekla, líka veggi og loft, en báðir litirnir eru úr Slippfélaginu. Það verður byrjað að mála á fimmtudaginn og ég get ekki beðið.

Ég hef áður skrifað um Bitz vörurnar sem mig dreymir um. Mamma er með bæði Bitz diska og hnífapör heima og er ég ótrúlega hrifin af þessum vörum og hugsuninni á bakvið þær. Ég fór í smá samstarf með lífsstílsversluninni BAST í vetur þar sem við gáfum risa pakka frá Bitz hér á Trendnet og vissi ég því alveg hvert ég ætti að leita núna þegar mig vantaði stell og fleira í búið. Ég kíkti í BAST fyrir helgi og fékk að velja mér nokkrar dásemdir í búið. Diskar og hnífapör frá Bitz, glös frá Lyngby og handklæði frá Södahl var meðal þess sem kom með mér heim. Ég hlakka ótrúlega til að byrja að elda og leggja á borð og geta þá sýnt ykkur þessar fallegu vörur betur.

Ég notaði svo helgina í að raða í eldhússkápana og koma nokkrum vörum fyrir í eldhúsinu sem ég hef sankað að mér síðustu ár.

Ég fór á nokkra staði í leit að gardínum en ég var alveg með það ákveðið í hausnum hvernig gardínur mig langar í. Það eru núþegar hvítar strimlagardínur í íbúðinni þannig ég veit að gardínur ættu kannski ekki að vera svona ofarlega á forgangslistanum í íbúðina en fyrir mér skipta þær miklu máli þar sem þær munu ramma íbúðina svo vel inn og gera mikið þar sem gluggarnir eru mjög stórir. Eftir að íbúðin verður máluð passa hvítu strimlagardínurnar eigilega ekkert við og þessvegna ákvað ég að nýjar gardínur væru á innkaupalistanum núna í byrjun.

Ég fann loksins efnið sem mig langaði í í Bazaar Hlíðarsmára. Þær eru einsog hör í dökk grábrúnum lit (sjá hér). Fyrir utan að þarna fann ég akkúrat það sem mig langaði í þá fékk ég mjög góða þjónustu og var Jóhanna í Bazaar svo yndisleg að koma til mín niður á Vatnsstíg að mæla áður en hún gaf mér tilboð í efni og uppsetningu.

Ég var heillengi að skipta um skoðun á hvernig ég ætla að raða upp alrýminu og því hefur þetta málband á gólfinu fylgt mér síðustu daga þar sem ég fer á milli húsgagnabúða að mæla húsgögn og svo heim að mæla fyrir þeim.

Það er ótrúlega margt sem ég hef augastað á í Módern enda endalaust úrval af fallegum vörum þar. Það eru nokkrir hlutir þar sem mig langar að kaupa mér seinna meir, einsog barborð, bekkur og fleira sem er ekki í forgangi núna til að byrja með. Eplið fellur ekki langt frá eikinni en einsog með diskastellið þá er fleira heima hjá mömmu sem mig langar sjálfri í. Mamma er með risastóran 110cm spegil heima sem ég er dolfallin fyrir en hann gerir mjög mikið fyrir rými. Mamma er með spegilinn í rosegold en ég fór í Módern og fékk að velja mér spegilinn í black. Mig vantaði líka ílangan whole body spegil á ganginn og sá þennan hjá þeim. Ég sá strax að þessi spegill væri fullkominn inn hjá mér þar sem metal ramminn tónar vel við litapallettuna og ég elska grófa lookið á honum. Speglarnir fara klárlega strax upp þegar það verður búið að mála!

Ég er búin að kaupa mér sófa en ég endaði á að kaupa Barcelona sófa hjá Seimei í dökkbláu flaueli! Sófinn var ekki til á lager og kemur því ekki fyrr en eftir um mánuð og er ég mjög spennt að sjá hvernig hann kemur út í rýminu en mér finnst ég vera mjög djörf að taka bláan sófa – ég er öll í hvítu, brúnu og gráu haha.

Ég var síðan búin að hafa augun á bæði borðstofustólum og barstólum í versluninni Heimili og hugmyndir en allt þar inni er akkúrat í þeim stíl sem ég er að leitast eftir að hafa heima hjá mér. Ég ákvað að byrja á að kaupa fjóra borðstofustóla og tvo barstóla og bæta svo fleirum við seinna. Ég valdi mér svo líka borðstofuborð í Heimili og hugmyndir en ég var ekki lengi að ákveða að mig langaði í kringlótt borðstofuborð. Það er einsog svo margt annað væntanlegt eftir nokkrar vikur og bíð ég spennt.

Mamma og pabbi vilja halda rúminu mínu í herberginu heima þannig ég þurfti að finna mér nýtt. Ég hef alltaf átt rúm úr Svefn&Heilsu og kom því ekkert annað til greina þegar ég fór að skoða og velja mér nýtt rúm. Ég fékk nýtt rúm fyrir u.þ.b. tveimur árum og þá skipti ég yfir í dýnu sem heitir Saga og ég elska! Rúmið mitt heima er 160cm en fyrst ég þarf að kaupa mér nýtt ætla ég að fá mér 180cm dýnu. Ég er með svartan leðurbotn en sá núna dökkgráan botn úr einhverskonar efni sem ég ætla að velja núna. Rúmið kemur um miðja næstu viku og get ég þá vonandi gist fyrstu nóttina á nýja heimilinu.

Mig hefur lengi langað í fallegan rúmgafl og þar sem það passar svo vel í svefnherbergið og rúmið verður uppvið vegg fór ég að skoða rúmgafla líka. Það er mikið úrval af göflum í Svefn&heilsu en gaflarnir í sama gráa lit og efni og botninn ég sem valdi mér finnst mér æðislegir. Ég held ég sé ákveðin í þessum hægra megin!


Spennt flutningakona kveður í bili xx Ef þið viljið fylgjast með “í beinni” þá er ég að deila flestum mínum heimilispælingum og framkvæmdum í story á instagram og snapchat @birgittalif

xx

Birgitta Líf
instagram & snapchat: birgittalif

Nýja heima

HeimiliðLífið

Þetta var að gerast! Í gær varð ég stoltur eigandi af draumaíbúðinni minni.

Þetta gerðist allt frekar hratt en ég hef hugsað um þessa íbúð í marga mánuði – og staðsetninguna í mörg ár. Sumt er meant to be  og ég held að það sé svoleiðis með mig og þessa íbúð.

Ég hlakka ótrúlega mikið til að gera hana fína í rólegheitum en ég er algjörlega að byrja á núlli þar sem þetta er mín fyrsta íbúð. Ég mun að sjálfsögðu leyfa ykkur að fylgjast með og deila myndum og ferlinu bæði hér og á mínum samfélagsmiðlum @birgittalif en ég læt þessar myndir duga í bili.

xx

Birgitta Líf
instagram & snapchat: birgittalif

Fullir Vasar ævintýrið

Lífið

Aldrei hefði mér dottið í hug að ég yrði framkvæmdarstjóri á kvikmynd en hér er ég að forsýna eitt stykki! Svona er lífið og hérna er hún: Fullir Vasar

Svona var textinn við þessa mynd sem ég birti á instagram á fimmtudaginn og þetta eru sko orð að sönnu.

Ég fékk boð síðasta sumar um að vinna við bíómyndina sem átti að taka upp um haustið. Þetta svið er ólíkt öllu því sem ég hef unnið við en vinnan sjálf sem mér var ætluð var í rauninni ekkert svo ólík því sem ég geri dagsdaglega sem samfélagsmiðlastjóri hjá stóru fyrirtæki, með mína eigin miðla og síðan hef ég reynslu af framkvæmdastjórn Ungfrú Ísland. Ég áttaði mig ekki alveg strax á hvers vegna strákarnir vildu fá mig í þetta verk en ákvað samt sem áður að slá til þar sem þetta hljómaði sem virkilega skemmtilegt tækifæri. Boltinn fór að rúlla og í september vorum við mætt á sett þar sem tekin var upp heil bíómynd á einum mánuði! Dagarnir gátu því verið langir og strangir en allir mjög skemmtilegir og fjölbreyttir.

Ég þekkti þá Nökkva, Egil og Aron Má úr Verzló og hef unnið mikið með Nökkva og Agli en Hjálmari kynntist ég við gerð bíómyndarinnar. Þeir eru allir sem einn toppeintök, algjör yndi og það var aldrei leiðinlegt að vinna í kringum þá – og Anton Ingi leikstjóri, framleiðendurnir og allt crewið voru alveg meiriháttar.

Hér eru nokkrar myndir frá ferlinu:

Fullir Vasar var síðan forsýnd fimmtudaginn 18. febrúar s.l. og var Smárabíó fullt útúr dyrum. Það er virkilega gaman að sjá eitthvað sem maður hefur unnið að verða að veruleika og fylltist ég miklu stolti þegar ég sat í bíósalnum, myndin var að hefjast og ég sá nafnið mitt stórum stöfum í upphafi kvikmyndar.

Forsýning Fullra Vasa í Ísland í dag: http://www.visir.is/section/MEDIA99&katid=57

Myndin hefur strax fengið mjög góðar viðtökur en hún er frumsýnd núna á föstudaginn, 23. febrúar.

Þetta verkefni var ótrúlega óvænt og skemmtilegt og ég er mjög þakklát að hafa sagt já við að taka þátt í því!

ALLIR Í BÍÓ

xx

Birgitta Líf
instagram & snapchat: birgittalif

RVKfit Training Event

ÆfingarNikeRVKfitWorld Class

LOKSINS! Við stelpurnar í RVKfit höfum síðustu vikur verið að undirbúa stóran viðburð í samstarfi með ótrúlega flottum fyrirtækjum sem ég er búin að bíða spennt eftir að geta deilt með ykkur.

Okkur hefur lengi langað að gera meira úr RVKfit “conceptinu” heldur en bara snapchat þar sem við erum alltaf bakvið skjáinn. Við höfum fundið fyrir miklum áhuga á að æfa með okkur og erum við alveg jafn spenntar fyrir því. Úr varð að við ætlum að halda tveggja klukkustunda Training Event þar sem við hitum upp saman, spjöllum og fáum okkur preworkout, tökum góða æfingu, borðum að henni lokinni, tökum myndir og höfum gaman. Allir fá ótrúlega flotta gjafapoka, salurinn verður hinn allra glæsilegasti og stemningin verður í hámarki! 

Komdu og æfðu með okkur: 18. febrúar kl. 12-14 World Class Kringlunni

RVKfit Training Event í samstarfi við Nike, World Class, NOW, Origo og Joe & the juice verður haldið sunnudaginn 18. febrúar í World Class Kringlunni (gengið er inn á neðri hæð hússins).

Viðburðurinn hefst klukkan 12 þar sem í boði verður pre workout frá NOW. Allir þátttakendur fá veglega gjafapoka og verða að auki dregnir út vinningar frá Nike, World Class, NOW, Origo og Joe & the Juice.

DJ JAY-O heldur uppi stemningunni á æfingunni og verða samlokur og djúsar frá Joe & the Juice í boði eftir hana.

Verð í forsölu er 3.900 kr. og verð við hurð er 4.900 kr. (takmarkað magn miða er í boði).

Aldurstakmark er 15 ára.

Skráningin er hafin á www.worldclass.is – Ég hlakka svo ótrúlega mikið til að æfa og eiga skemmtilegan dag með ykkur!

xx

Birgitta Líf
instagram & snapchat: birgittalif