fbpx

ÞEGAR COVID BÝÐUR SÉR Í HEIMSÓKN

PERSÓNULEGT

HALLÓ HEIMUR! Hljómar smá eins og ég hafi verið að eignast barn. En ég er bókstaflega búin að vera lokuð frá umheiminum síðustu vikurnar. COVID kom í heimsókn eins og eflaust einhver ykkar hafið séð á instagram hjá mér. En í stuttu máli þá greindist smit í liðinu hans Arnórs bókstaflega korteri eftir að þeir urðu sænskir meistarar. Daginn eftir átti minn maður svo að fara í landsliðsferð og hafði fengið neikvæðar niðurstöður úr prófi þrjá daga í röð, en það var ákveðið að hann yrði heima til öryggis, ef hann væri þá þegar smitaður af veirunni. Brjálað svekkelsi en sem betur fer vann skynsemin því nokkrum dögum síðar reyndist hann jákvæður. Halelujah að hann hafi ekki mætt og smitað hálft landsliðið. En við tók einangrun á hann og við Aþena Röfn vorum í sóttkví hérna heima. Arnór fór í einhvers konar skyndipróf sem sýndi niðurstöður samdægurs, sem var ekki í boði fyrir mig þannig að  daginn eftir fór ég á heilsugæslustöðina okkar og var testuð á hefðbundna mátann. Við tók síðan bið.. og bið.. og enn meiri bið. Ég beið eftir niðurstöðum frá kl. 15 á föstudegi til 18.30 á þriðjudegi!! Í sóttkví með Aþenu. Arnór inni í herbergi og kom fram með grímu og gula uppþvottahanska (ég legg ekki meira á ykkur, allir latexhanskar uppseldir) þegar hann þurfti að ná í eitthvað eða fara á klósettið. Auðvitað voru líkurnar alveg miklar á því að ég hefði smitast af honum þessa daga frá því smitið greindist í liðinu og þangað til Arnór var testaður aftur. Við vildum samt vera skynsöm, maður á ekkert að óska sér að fá þessa veiru því þó maður sé „ungur og hraustur“ þá veit maður aldrei hvernig hún fer í mann. Ég var með smá höfuðverk og þreytt í líkamanum þessa daga sem ég beið eftir niðurstöðu en aldrei það afgerandi einkenni að ég væri handviss um að ég væri líka smituð. Svo reyndist vera, ég fékk símtal á þriðjudeginum og mér tjáð að ég væri líka jákvæð. Það var örlítið spennufall, ég viðurkenni það. Þegar maður er að bíða eftir einhverju eins og þessum niðurstöðum er frekar erfitt að lifa í núinu. Þó maður stjórni aðstæðunum ekki baun, þá fannst mér samt frekar ómögulegt að hugsa um eitthvað annað. Jákvæða svarið mitt einfaldaði hlutina töluvert því þá gátum við loksins verið saman hérna heima og tekist á við þetta í sameiningu. Aþena Röfn var ekki testuð en mér þykir það afar líklegt að hún hafi líka smitast. En þrátt fyrir að vera heima í veikindabæli áttum við líka notalegar stundir inn á milli, fengum dásamlegar sendingar frá vinum okkar hérna úti og gerðum eins gott úr þessu og við gátum. Maður kemst ekki langt á neikvæðninni og tíminn líður helmingi hægar þannig.

Í stuttu máli varð að smá löngu máli. Við erum allavega komin aftur á ról, ég er sest við tölvuna og til í þessa vinnuviku, Arnór er kominn í vinnuna sína og Aþena komin á leikskólann. Back to basics. Ég finn samt ennþá fyrir mikilli þreytu inn á milli og býst ekkert við því að það hverfi á núll einni. Þessi veira er ótrúlega lúmsk og eiginlega bara óhugnanleg. Núna teljum við bara niður í jólafrí og notalegar stundir með fjölskyldunum okkar á Íslandi.

Smá update.. farið vel með ykkur.
Andrea Röfn

instagram @andrearofn

OUTFIT

OUTFIT

Ég er búin að byrja þessa færslu svona 12x en stroka alltaf allt út. Eina stundina finnst mér skrifin meika svo mikinn sense en klukkutíma síðar hugsa ég bara guð, en óspennandi. Annað hvort finnst mér skrifin mín alltof  niðurdrepandi eða alltof jákvæð. Og þannig hefur lífið verið síðustu daga, rosalega upp og niður. Einn daginn stendur maður í eldhúsinu með eitthvað geggjað á pönnunni, dansandi og jafnvel með kanilsnúða í ofninum. Daginn eftir er take away í matinn, allt í drasli og manni líður eins og ekkert sé að frétta. Eru fleiri sem tengja? Það bara hlýtur að vera! Ég held ég láti því allt pepp og covid tal til hliðar í dag. Hver veit samt nema ég skelli einhverju slíku hérna inn fljótlega, þegar ég er í stuði og áður en mér tekst að stroka það út.

Outfit gærdagsins. Ég er búin að eiga þennan jakka í tæp þrjú ár og ég held ég muni aldrei í lífinu þreytast á honum. Hinn fullkomni shearling jakki frá Norse Projects Women. Skórnir eru Ásdís úr línunni minni JoDis by Andrea Röfn sem kemur bráðum aftur í verslanir Kaupfélagsins og Skór.is á netinu! Fyrir ykkur sem búið erlendis eru JoDis að selja nokkrar týpur og senda milli landa – endilega kynnið ykkur það hér. Buxur: gamlar Weekday, trefill: Gucci, leðurskyrta: Levete room.

Farið vel með ykkur <3

Andrea Röfn

instagram @andrearofn

ÓSKALISTINN

ÓSKALISTINN

Mér finnst kominn tími á einn góðan óskalista. Gallabuxurnar sem ég klæddist í JoDis myndatökunni – draumakjóll – draumaskór – draumataska…. allt drauma! Ég elska að setja saman svona lista og vafra um fallegar vefverslanir. Vonandi fáið þið einhvern innblástur frá þessum!
Gallabuxur: GANNI // Taska: ATP Atelier // Kjóll: Han Kjobenhavn/Húrra Reykjavík // Skór: Diemme // Skyrta: A Part of The Art // Bucket hattur: 66°Norður

<3

Andrea Röfn

Fylgið mér á instagram @andrearofn

 

OUTFIT

ÍSLANDOUTFIT

Við mæðgurnar vorum varla komnar heim til Malmö þegar við vorum aftur á leiðinni til Íslands. Ástæðan eru landsliðsverkefni hjá Arnóri, og í staðinn fyrir að vera bara tvær heima þá skelltum við okkur aftur heim. Ég ákvað um daginn að á meðan við búum svona nálægt Íslandi að þá förum við heim þegar tækifæri gefst. Þannig fær fólkið okkar líka að njóta þess að vera með Aþenu Röfn og tengslin þeirra á milli styrkjast. Hún ELSKAR að vera hérna með öllum, kallar flesta með nafni og stjórnar (að sjálfsögðu) öllum frá A-Ö.

En þvílík tímasetning að koma heim núna – ég fór í sóttkví við heimkomu og hef haldið mig meira og minna heima síðan við komum. Ég mæli svo mikið með þessari færslu frá Örnu Petru þar sem hún stingur upp á alls kyns skemmtilegu og notalegu sem hægt er að gera heima. Einnig langar mig að hvetja ykkur til að halda áfram að versla við uppáhalds veitingastaðina ykkar og verslanir – sem róa þungan róður núna og þurfa á öllum sínum tryggustu viðskiptavinum að halda. Flestir veitingastaðir eru með take-away eða heimsendingar og verslanir gæta ítrustu sóttvarna.

Annars finnst mér nauðsynlegt að fara í göngutúr á hverjum degi. Þeir þurfa ekki að vera langir, bara að komast aðeins út, anda að sér fersku lofti og virða fyrir sér fallegu haustlitina. Það hefur aldrei verið mikilvægara en nú að reyna að sjá fegurðina í litlu hlutunum :-)

Úlpa, vesti og buxur: 66°North
Skór: UNA – JoDis by Andrea Röfn  

Farið vel með ykkur!

 —

Andrea Röfn

instagram // @andrearofn

OUTFIT

OUTFIT

Outfit í vinkonudinner á Íslandi fyrr í mánuðinum. Allar flíkurnar eru í miklu uppáhaldi hjá mér og eiga því skilið sér post hérna á blogginu. Rúllukragapeysan er hönnuð af Bergi Guðnasyni hjá 66°Norður og heitir Torfajökull. Ég er búin að ofnota hana síðan ég fékk hana, fullkomin flík í minn fataskáp. 66°N á ermunum og aftan á rúllukraganum eru svo trylltir details. Buxurnar eru frá Holzweiler en ég fæ endalausar spurningar út í þær þegar þeim bregður fyrir á instagram hjá mér. Þær heita Skunk trouser og eru ongoing stíll hjá merkinu. Holzweiler er norskt merki sem ég held mikið upp á. Jakkinn er frá Won Hundred sem er fáanlegt í Húrra Reykjavík. Mér finnst algjört lykilatriði að eiga alltaf fullkominn blazer jakka í fataskápnum. Síðast en ekki síst eru það skórnir – stíllinn Aþena úr línunni minni JoDis by Andrea Röfn. Þessir skór seldust upp á fyrsta degi bæði í svörtu og ljósu – en ég get glatt ykkur, sem langar í þá, með þeim fréttum að þeir koma aftur í október eða nóvember. Ég læt að sjálfsögðu vita um leið og ég veit meira!

Andrea Röfn

Fylgið mér á instagram @andrearofn – ég er með gjafaleik í gangi í samstarfi við GOSH!

LÍFIÐ

ANDREA RÖFNPERSÓNULEGTSVÍÞJÓÐ

Góðan daginn! Línan mín í samstarfi við JoDis fór í sölu í Kaupfélaginu í gær við mjög góðar undirtektir. Það seldust margar týpur upp (!) og ljóst að ég þarf eitthvað að vinna í því að láta gera enn fleiri pör af einhverjum þeirra. Mig langaði bara til að koma hérna inn og þakka kærlega fyrir mig <3 Ég er með ógrynni ólesinna skilaboða sem ég mun svara hægt og rólega, en ég er búin að vinna svo mikið síðustu daga að ég þori ekki einu sinni inn í screen time í símanum til að sjá allar klukkustundirnar sem safnast hafa saman.

Annars er það helst í fréttum héðan frá Malmö að Aþena Röfn er byrjuð í leikskóla! Vá hvað þetta er kærkomið eftir langt fæðingarorlof þar sem síðasta hálfa ár reyndi verulega á vegna ferðatakmarkana, engra heimsókna og bara skrýtinna tíma yfir höfuð. Aþena elskar leikskólann sinn og náði að aðlagast mjög hratt. Við erum að tala um það að hún er farin að leggja sig á dýnu með hinum krökkunum og sofa lengst allra – eitthvað sem ég grínaðist oft með í orlofinu að yrði týpískt fyrir hana sem hefur alltaf viljað láta keyra sig um í vagninum til að sofna og aldrei á sínum 18 mánuðum sofið eitthvað sérstaklega lengi. En gott í hjartað fyrir foreldrana að vita og sjá hvað henni líkar leikskólinn vel. Hins vegar varð hún veik strax í viku tvö og við vorum heima í 6 daga – aldeilis sem manni var kippt niður á jörðina á núll einni þegar maður ætlaði loksins að demba sér í vinnugírinn! Við gleymdum alveg að taka inn í dæmið að þetta myndi gerast, og væri meira að segja mjög líklegt að myndi gerast snemma.

Ég ætla ekkert að skafa af því að ég er útkeyrð eftir vinnu síðustu daga með litla veika konu á kantinum. Arnór er nýfarinn í landsliðsferð og planið mitt var að vera hérna heima í Malmö á meðan, leyfa Aþenu að fara í leikskólann og vinna sjálf. Núna langar mig hins vegar aðeins heim til Íslands og ákvað að bóka flug fyrir okkur mæðgur á föstudaginn. Þó það þýði sóttkví, ég held ég hafi bara gott af því að hægja aðeins á mér og endurhlaða batteríin, og hún að fá ömmu – og afadekur.

Eigið yndislegan dag

Andrea Röfn

Fylgið mér á instagram @andrearofn

JODIS BY ANDREA RÖFN – FER Í SÖLU Í DAG

ANDREA RÖFNJODIS BY ANDREA RÖFNSKÓR

KÆRAR ÞAKKIR fyrir allar kveðjurnar síðustu daga. Línan mín í samstarfi við JoDis fer í sölu í dag í Kaupfélaginu, Kringlu og Smáralind, og á www.skor.is. Í dag verður 15% afsláttur af allri línunni og kaupauki frá GOSH fylgir með fyrstu kaupum dagsins! Ég er fjarri góðu gamni hérna heima í Malmö, enda ekki vinsælt að halda viðburði þessa dagana með samkomutakmörkunum og tveggja metra reglu. Þess vegna megið þið endilega senda mér myndir eða tagga mig ef þið leggið leið ykkar í Kaupfélagið í dag! <3

Ég sýndi alla skóna í instagram stories á dögunum og hvet ykkur til að skoða þá í highlights hjá mér – en hér eru svo allar myndirnar ásamt nöfnum á skónum.

EVA

MARGRÉT

Koma í ljósu, svörtu og grænu

TANJA

Koma í matt svörtu og svörtu lakki

SUNNEVA

ÓLAFÍA

AÞENA

ANNA

Koma alveg svartir, svartir með ljósri teygju og brúnir með svartri teygju

UNA

ÁSDÍS

 

x

Andrea Röfn

Fylgið mér á instagram: @andrearofn

LOKSINS GET ÉG SAGT YKKUR FRÁ VERKEFNI SÍÐUSTU MÁNAÐA

ANDREA RÖFNJODIS BY ANDREA RÖFN

Hæ! Vá hvað ég er búin að hlakka lengi til að skrifa þessa færslu. Ég get loksins sagt frá verkefni sem ég hef verið að vinna að síðan ég var ólétt – það gera tæplega tvö ár. Mín eigin SKÓLÍNA, JoDis by Andrea Röfn, fer í sölu þriðjudaginn 1. september í verslunum Kaupfélagsins og á Skór.is! Skóna vann ég í samvinnu við danska skómerkið JoDis og voru því bíltúrarnir yfir til Kaupmannahafnar fjölmargir á meðan að ferlinu stóð.

Ég elska að klæðast fallegum boots og hælum í bland við alla strigaskóna mína. Hins vegar er ég rosalega kröfuhörð á snið, efni og útlit þegar kemur að slíkum skóm og því naut ég þess í botn að leika lausum hala í þessu ferli. Útkoman er nákvæmlega eins og ég vildi hafa hana, fjölbreytt snið, grófleiki í bland við fínleika, ljóst í bland við svart.

Skórnir eru framleiddir í litlum fjölskyldureknum verksmiðjum í Portúgal sem JoDis hefur unnið með til fjölda ára. Ég er svo þakklát fyrir þetta tækifæri og eðalfólkið sem stendur á bakvið JoDis, sem eru miklir reynsluboltar í skóbransanum.

JoDis by Andrea Röfn fer í sölu í verslunum Kaupfélagsins og á Skór.is þriðjudaginn 1. september. Fallegur kaupauki frá GOSH fylgir með fyrstu 20 kaupunum.

Hrærð, spennt, stressuð og stolt, allar tilfinningarnar. Ég er búin að vinna hart að þessu ásamt yndislega JoDis teyminu og get hreinlega ekki BEÐIÐ eftir að sjá skóna á fótum annarra og vona innilega að þið finnið eitthvað við ykkar hæfi í línunni.  Fylgist endilega betur með hér á Trendnet og á instagram hjá mér @andrearofn, JoDis @jodis_shoes og Kaupfélaginu @kaupfelagid á næstu dögum.

Hér er smá preview – en fleiri stíla er að finna í línunni sem ég ætla að sýna ykkur næstu daga!

Myndir: Hlín Arngríms
Styling: Hulda Halldóra
Make-up: Kolbrún Anna Vignis

// Andrea Röfn

Fylgið mér á instagram @andrearofn

ÍSLENSKT ÆVINTÝRI

ANDREA RÖFNÍSLANDPERSÓNULEGTTRAVEL

Mig langar svo að segja ykkur og sýna frá ferð sem við vinahópurinn fórum í á meðan ég var á Íslandi. Snillingarnir Ebba og Oddur sáu um að skipuleggja ferð á Iceland Bike Farm, bæ á Kirkjubæjarklaustri sem býður upp á skipulagðar fjallahjólaferðir um kindastíga á 11.000 hektara landsvæði þeirra. Á bænum er allur fjallahjólabúnaður til staðar og hægt að velja sér ólíka pakka eftir því hvað hentar hverjum hóp fyrir sig. Annan daginn fórum við í frábæra nokkurra klukkustunda göngu um svæðið ásamt Rannveigu, öðrum eigendanna, sem þekkir landið inn og út og leiddi okkur um þennan ævintýralega stað.

Hinn daginn fórum við í hellaskoðun ásamt Mumma, hinum eigandanum, og skoðuðum hella þar til við sátum öll innst inni í einum þeirra í kolniðamyrkri og grafarþögn. Þetta var mögnuð upplifun, að sjá og upplifa nánast ósnerta náttúru og að vera í algjöru myrkri um íslenskt sumar. Að hellaferðinni lokinni hjóluðum við um landið á fjallahjólum og hoppuðum í foss, borðuðum hjónabandssælu og lögðum okkur í íslenska mosann. Allt þetta í besta félagsskapnum – þvílíkur draumur!!

Á Bike Farm eru gistimöguleikar í tveimur uppábúnum kofum með gistipláss fyrir 3-4 einstaklinga. Við gistum þrjár í öðrum kofanum og sváfum eins og englar. Útsýnið úr kofanum yfir Geirlandsá setti punktinn yfir i-ið og ég get hreinlega ekki lýst fegurðinni nægilega vel, svo mikil var hún. Til viðbótar við gistikofana er innréttuð hlaða með eldhúsi, sófum, yoga aðstöðu, gufubaði, sturtum, og baðherbergjum. Andinn þarna er einstakur, svo afslappaður og fallegur.

Þetta er ekki auglýsing – mér finnst bara nauðsynlegt að þið vitið af þessum fallega og skemmtilega bæ sem bændurnir Rannveig og Mummi eiga og þjónustunni sem þau bjóða upp á! Meira hér.

Ég leigði bíl hjá Blue Car Rental meðan ég var á Íslandi og langar einnig að segja ykkur frá sumarleigunni þeirra, þar sem Íslendingum er boðið uppá góð leiguverð á bílum í sumar. Sumarleigan er kjörin fyrir þá sem langar í roadtrip á góðum bíl og svo finnst mér frábær hugmynd að leigja saman bíl ásamt vinum og splitta kostnaðinum sín á milli. Meira hér.

Andrea Röfn

Fylgið mér á instagram: @andrearofn